నారా రోహిత్ “బాలకృష్ణుడు”కి మ్యాన్లీ స్టార్ జగపతిబాబు వాయిస్ ఓవర్!

స‌ర‌స్‌చంద్రిక విజ‌న‌రీ మోష‌న్ పిక్చ‌ర్స్, మాయా బ‌జార్ మూవీస్ ప‌తాకాల‌పై నారా రోహిత్‌-రేజీనా జంటగా డెబ్యూ డైరెక్ట‌ర్ ప‌వ‌న్ మ‌ల్లెల దర్శకత్వంలో తెరకెక్కుతున్న చిత్రం `బాల‌కృష్ణుడు`. బి.మ‌హేంద్ర‌బాబు, ముసునూను వంశీ, స‌ర‌స్‌చంద్రిక విజ‌న‌రీ మోష‌న్ పిక్చ‌ర్స్ శ్రీ వినోద్ నంద‌మూరి, మాయా బ‌జార్ మూవీస్ సంయుక్తంగా నిర్మిస్తున్న ఈ చిత్రం ఆడియో విడుదల వేడుక ఇటీవల అక్కినేని సమంత, సాయిధరమ్ తేజ్ వంటి సినీ ప్రముఖుల సమక్షంలో ఘనంగా జరిగిన విషయం తెలిసిందే. నవంబర్ 24న “బాలకృష్ణుడు” చిత్రాన్ని ప్రపంచవ్యాప్తంగా విడుదల చేసేందుకు దర్శకనిర్మాతలు సన్నాహాలు చేస్తున్నారు. ఇకపోతే.. ఈ చిత్రానికి మ్యాన్లీ స్టార్ జగపతిబాబు వాయిస్ ఓవర్ ఇవ్వడం విశేషం.

ఈ సంద‌ర్భంగా నిర్మాత‌లు హేంద్ర‌బాబు, ముసునూను వంశీ, శ్రీ వినోద్ నంద‌మూరి మాట్లాడుతూ.. “నారా రోహిత్ గ‌త చిత్రాల‌కు భిన్నంగా `బాల‌కృష్ణుడు` యాక్ష‌న్‌, రొమాన్స్‌, అద్భుత‌మైన పాట‌లు ఇలా అన్నీ క‌మ‌ర్షియ‌ల్ హంగుల‌తో కంప్లీట్ క‌మ‌ర్షియ‌ల్ చిత్రంగా రూపొందింది. ఈ సినిమా కోసం తొలిసారి నారారోహిత్ సిక్స్ ప్యాక్ చేయ‌డం విశేషం. ఇటీవల విడుదలైన పాటలకు మంచి స్పందన లభిస్తోంది. నవంబర్ 24న విడుదలకానున్న సినిమా ప్రమోషన్స్ మొదలుపెట్టాం. ప‌వ‌న్ మ‌ల్లెల సినిమాను ప‌క్కా క‌మ‌ర్షియ‌ల్ మూవీగా అద్భుతంగా తెర‌కెక్కించారు.

పృథ్వీ, వెన్నెల‌కిషోర్‌, ర‌ఘుబాబు కామెడి ట్రాక్ ఆడియెన్స్‌ను ఎంట‌ర్‌టైన్ చేస్తుంది. మ‌ణిశ‌ర్మ‌గారి సంగీతం, బ్యాక్‌గ్రౌండ్ స్కోర్ సినిమాకు పెద్ద ఎసెట్ అవుతాయి. `న‌ర‌సింహ` చిత్రంలో నీలాంబ‌రిగా, `బాహుబ‌లి` చిత్రంలో శివ‌గామి పాత్ర‌లోమెప్పించిన ర‌మ్య‌కృష్ణ ఈ చిత్రంలో మ‌రో ప‌వ‌ర్‌ఫుల్ రోల్‌లో న‌టించ‌డం విశేషం. ముఖ్యంగా ట్రైలర్ కు విశేషమైన స్పందన లభిస్తోంది” అన్నారు.