‘జైలర్‌’ సినిమా విజయం ఇటు నిర్మాతలకు, అటు పరిశ్రమకు మంచి బూస్ట్‌ ఇచ్చింది అని చెప్పొచ్చు. సరైన విజయం లేకుండా చాలా రోజులుగా రజనీకాంత్‌, అతని ఫ్యాన్స్‌ నిరాశలో ఉన్నారు అని చెప్పొచ్చు. అలాంటి సమయంలో వచ్చిన ‘జైలర్‌’ ఏకంగా రూ. 600 కోట్లకుపైగా వసూళ్లు సాధించి భారీ విజయం నమోదు చేసుకుంది. ఆ ఆనందాన్ని నిర్మాత కళానిధి మారన్‌ సినిమా టీమ్ అందరితో పంచుకుంటున్నారు. కీలక నటులు, సాంకేతిక నిపుణులకు గిఫ్ట్‌ చెక్‌లు ఇచ్చిన మారన్‌… ఇప్పుడు సినిమా టీమ్ బంగారు కానుక ఇచ్చారు.
రజనీకాంత్‌ హీరోగా నెల్సన్‌ దిలీప్‌ కుమార్‌ తెరకెక్కించిన చిత్రం ‘జైలర్‌’. ఈ సినిమా సక్సెస్‌ మీట్‌ ఇటీవల చెన్నైలో జరిగింది. ఈ సందర్భంగా సినిమాలో నటించిన వారికి, సాంకేతిక బృందానికి కానుకగా నిర్మాత గోల్డ్‌ కాయిన్స్‌ అందించారు. 300 మందికిపైగా ఈ గిఫ్ట్‌ అందుకున్నారు. ఈ నేపథ్యంలో దర్శకుడు నెల్సన్‌ దిలీప్‌ సోషల్‌ మీడియాలో ఎమోషనల్‌ పోస్ట్‌ పెట్టారు. చిత్రానికి పనిచేసిన వారికి, సినిమాని ఆదరించిన ప్రేక్షకులకు కృతజ్ఞతలు తెలిపారు.
ఇక రజనీకాంత్‌, నెల్సన్‌ దిలీప్‌, మ్యూజిక్‌ డైరెక్టర్‌ అనిరుథ్‌కు నిర్మాత విలువైన కార్లతోపాటు, సినిమా లాభాల్లోంచి కొంత మొత్తాన్ని అందించిన సంగతి తెలిసిందే. రజనీకాంత్‌కు బీఎండబ్ల్యూ ఎక్స్‌7 కారు, నెల్సన్‌, అనిరుధ్‌లకు పోర్ష్‌ కార్లు బహుమతిగా ఇచ్చారు. థియేటర్లలో రికార్డు స్థాయిలో సందడి చేసిన ఈ సినిమా ప్రస్తుతం అమెజాన్‌ ప్రైమ్‌ వీడియోలో స్ట్రీమ్‌ అవుతోంది. ఇక ఈ సినిమా గురించి చూస్తే…
టైగర్‌ ముత్తువేల్‌ పాండియన్‌గా రజనీకాంత్‌ హీరోయిజం, వర్మన్‌గా వినాయకన్‌ విలనిజం అదిరిపోయాయి అని చెప్పాలి. అలాగే శివ రాజ్‌కుమార్‌, మోహన్‌ లాల్‌, జాకీ ష్రాఫ్‌ తదితరులు అతిథి పాత్రలు సినిమాకు కలిసొచ్చాయి. వీటికి అనిరుథ్‌ బీజీఎం అదనపు ఆకర్షణ అని చెప్పాలి. ఆయన సంగీతం సినిమాను మరో స్థాయికి తీసుకెళ్లింది అని పరిశ్రమ వర్గాలు, క్రిటిక్స్‌ చెబుతున్నారు. ఇప్పుడు ఆనందాన్ని (Kalanithi Maran) మారన్‌ ‘బంగారం’ రూపంలో పంచుకున్నారు.
జవాన్ సినిమా రివ్యూ & రేటింగ్!
మిస్ శెట్టి మిస్టర్ పోలిశెట్టి సినిమా రివ్యూ & రేటింగ్!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!
Home