కొరటాల శివ దర్శకత్వంలో యంగ్ టైగర్ ఎన్టీఆర్ నటించిన జనతా గ్యారేజ్ సినిమా రికార్డులన్నిటికీ రిపేర్ చేస్తూ దూసుకుపోతోంది. మైత్రీ మూవీ మేకర్స్ వారు 50 కోట్ల బడ్జెట్ తో నిర్మించిన ఈ మూవీ సెప్టెంబర్ 1న గ్రాండ్ గా రిలీజ్ అయి కలక్షన్ల వర్షం కురిపిస్తోంది. మలయాళ సూపర్ స్టార్ మోహన్ లాల్ కీలక పాత్ర పోషించిన ఈ ఫిల్మ్ మాస్, క్లాస్ అని తేడా లేకుండా అందరినీ ఆకట్టుకుంటోంది. సమంత, నిత్యామీనన్ ల గ్లామర్ తో పాటు కాజల్ అగర్వాల్ స్పెషల్ సాంగ్ ఈ చిత్రానికి ప్రత్యేక ఆకర్షణగా నిలిచింది.
రాక్ స్టార్ దేవీ శ్రీ ప్రసాద్ సంగీతం సినిమాకు ప్రాణం పోసింది. నిన్నటితో 25 రోజులు పూర్తి చేసుకున్న జనతా గ్యారేజ్ 131 కోట్లను వసూలు చేసింది. ఒక్క యూఎస్ లోనే 12 కోట్ల గ్రాస్ ని రాబట్టి ఇది వరకు అక్కడ “నాన్నకు ప్రేమతో” ఉన్న రికార్డులను తుడిచి వేసింది. అత్యంత వేగంగా 50, 100 కోట్ల క్లబ్బులో చేరిన ఈ మూవీ కొన్ని రోజుల క్రితమే అత్తారింటికి దారేది, సరైనోడు చిత్రాల కలెక్షన్లను దాటేసింది. త్వరలో సూపర్ స్టార్ మహేష్ బాబు శ్రీమంతుడు చిత్రాన్ని అధికమించనుంది. బాహుబలిని మినహాయించి అత్యధిక వసూళ్లు సాధించిన తెలుగు చిత్రంగా జనతా గ్యారేజ్ టాప్ పొజిషన్లో నిలువనుంది.
