ఇకపై మంచి సినిమాలు మాత్రమే చేస్తానంటోంది

కొందరికి వయసును బట్టి అనుభవం వస్తుంది, ఇంకొందరికి ఎదురైన అనుభవాలను బట్టి వివరం తెలుస్తుంది. కానీ.. సీనియర్ నటీమణి జయసుధకి ఈ రెండు విషయాలూ కలిసి జీవిత సత్యం తెలియజేశాయి. అందుకే “ఇకపై నాకు క్వాలిటీ ముఖ్యం క్వాంటీటీ కాదు” అని స్టేట్ మెంట్ ఇవ్వడంతోపాటు.. ఇకపై కేవలం నా మనసుకి నచ్చిన సినిమాలు మాత్రమే చేస్తాను అని కూడా చెప్పింది జయసుధ. ఉన్నట్లుండి ఈ వైరాగ్యం ఏంటా అనుకొంటే.. ఈమధ్యకాలంలో జయసుధకు పోలోమని ఆఫర్లు వచ్చేస్తున్నాయట. దాంతో ఏ సినిమాని వద్దంటే ఎవరు ఫీల్ అవుతారో తెలియక.. ఇలా స్టేట్ మెంట్ ఇచ్చింది. సో, ఇప్పట్నుంచి జయసుధకి కాస్త కంటెంట్ ఉన్న క్యారెక్టస్ కోసమే దర్శకులు వెళ్తారు.

ఇకపోతే.. జయసుధ నటిస్తున్న తాజా చిత్రం “శ్రీనివాస కళ్యాణం” టీజర్ రేపు విడుదలవుతుండగా.. జయసుధ నటిస్తున్న మరిన్ని సినిమాలు షూటింగ్ దశలో ఉన్నాయి. భర్త హఠాన్మరణం అనంతరం కుటుంబ బాధ్యతను తన భుజస్కంధాలపై వేసుకొన్న జయసుధ.. ఇప్పుడిప్పుడే ఆ సమస్యల నుంచి బయటపడుతోంది. అందుకే ఇకపై డబ్బు కోసం కాక కేవలం సంతృప్తినిచ్చే సినిమాలు మాత్రమే చేస్తోంది జయసుధ.