టాలీవుడ్ లో వరుసగా ఏడాదికి మూడు…లేదా నాలుగు సినిమా తీస్తూ, క్షణం తీరిక లేకుండా గడుపుతున్న దర్శకుడు పూరీ జగన్నాధ్. హార్డ్ వర్క్, డెడికేషన్, పూరీ ప్రయత్నాన్ని ఎప్పటికప్పుడు సపోర్ట్ చేసుకుంటూ పోతున్నాయి. అందుకే వరుసగా సినిమాలు చేయడమే కాదు, అవి హిట్స్ గా మలచడంలో కూడా పూరీ సక్సెస్ అవుతున్నాడు. ఇదిలా ఉంటే ప్రస్తుతం పూరీ “రోగ్” అనే సినిమాను తెరకెక్కిస్తున్నాడు…ఇక దాని తరువాత ఎన్టీఆర్ ఆర్ట్స్ బ్యానర్ లో నందమూరి కళ్యాణ్ రామ్ హీరోగా ఓ ప్రాజెక్ట్ ను ప్రారంభించనున్నాడు.
ఈ సినిమా ఇప్పటికే పూజా కార్యక్రమాలు పూర్తి చేసుకుని సెట్స్ పైకి వెళ్ళెడుకు సిద్దం అవుతుండగా, వెను వెంటనే…ప్రిన్స్ మహేష్ తో “జనగణమన” అనే సినిమా చేయనున్నట్లు పూరీ అధికారికంగా ప్రకటించాడు. ఇదిలా ఉంటే…టాలీవుడ్ లో వినిపిస్తున్న వార్తల ప్రకారం ప్రిన్స్ తో సినిమా తరువాత పూరీ యంగ్ టైగర్ తో ఒక సినిమా చేయనున్నట్లు తెలుస్తుంది. ఇక సినిమా వివరాల్లోకి వెళితే, ఒక ప్రముఖ మీడియా ఛానెల్ అందించిన కధనం ప్రకారం యంగ్ టైగర్ ఎన్టీఆర్ హీరోగా పూరీ “నేతాజీ” అనే సినిమా చేయనున్నట్లు మీడియాలో వార్తలు గుప్పుమంటున్నాయి. అయితే సహజంగా ఏ విషయమైనా ముందుగా సోషల్ మీడియాలో సందేశం పంపించే పూరీ, ‘నేతాజీ’ ప్రాజెక్ట్ కు సంబంధించి ఎలాంటి సమాచారం ఇవ్వకుండా ఈ విషయం బయటకు ఎలా వచ్చింది? ఈ వార్తలో ఎంత నిజం ఉంది అన్న సందేహాలు లేకపోలేదు. ఇక ఈ టైటిల్ తో ఇప్పటికీ అభిమానులు ఫేస్‌బుక్ లో హల్‌చల్ మొదలు పెట్టేశారు. చూద్దాం మరి ఏం జరుగుతుందో.
