యంగ్ టైగర్ జూనియర్ ఎన్టీఆర్ (Jr NTR) కొరటాల శివ (Koratala Siva) దేవర (Devara) సినిమా కోసం పడిన కష్టం అంతాఇంతా కాదు. దేవర సినిమా సెకండ్ సింగిల్ ఈ నెల 5వ తేదీన రిలీజ్ కానున్న సంగతి తెలిసిందే. ఈ విషయాన్ని తెలియజేస్తూ పోస్టర్ ను రిలీజ్ చేయగా ఆ పోస్టర్ విషయంలో కొంతమంది అర్థంపర్థం లేని ట్రోల్స్ చేస్తుండటం గమనార్హం. అయితే ఆ ట్రోల్స్ ను చూసి నవ్వుకోవడం ఫ్యాన్స్ వంతవుతోందని అభిప్రాయాలు వ్యక్తమవుతున్నాయి.
పోస్టర్ లో ఎడిటింగ్ బాలేదని, ఎన్టీఆర్ కాళ్లు కనిపించడం లేదని, జాన్వీ కపూర్ (Janhvi Kapoor) చేయి నరాలు కనిపిస్తున్నాయని ఇలాంటి కామెంట్లు చేయడం వల్ల ప్రయోజనం ఏంటని కామెంట్స్ వినిపిస్తున్నాయి. పోస్టర్స్ లో చిన్నచిన్న తప్పులను వెతికితే ప్రతి హీరో సినిమా పోస్టర్ లో కూడా తప్పులు కనిపిస్తున్నాయని అభిప్రాయాలు వ్యక్తమవుతున్నాయి. దేవర సాంగ్ రిలీజ్ కాకుండానే ఇంతలా ట్రోల్స్ చేయడం విచిత్రంగా అనిపిస్తోంది.
మరి కొందరు అయితే విచిత్రంగా మగధీర (Magadheera) దేవర పోస్టర్స్ సిమిలర్ గా ఉన్నాయంటూ కామెంట్లు చేస్తున్నారు. అయితే ఇలాంటి కామెంట్లను పట్టించుకోవడం వల్ల లాభం ఏంటని అభిప్రాయాలు వ్యక్తమవుతున్నాయి. దేవర పోస్టర్ మాత్రం సూపర్ గా ఉందని ఎన్టీఆర్ జాన్వీ జోడీ అదుర్స్ అనిపిస్తోందని ఫ్యాన్స్ ఫీలవుతున్నారు. దేవర, దేవర2 సినిమాలు హిట్టైతే ఎన్టీఆర్, జాన్వీ కాంబినేషన్ లో మరిన్ని సినిమాలు వచ్చినా ఆశ్చర్యపోవాల్సిన అవసరం అయితే లేదని చెప్పవచ్చు.
ఈ నెలాఖరు నుంచి వరుస ప్రమోషన్స్ తో దేవర మేకర్స్ ఫ్యాన్స్ ను సర్ప్రైజ్ చేయనున్నారని తెలుస్తోంది. ఒకింత భారీ స్థాయిలోనే ఈ సినిమా ప్రమోషన్స్ అయితే జరగనున్నాయని కామెంట్స్ వినిపిస్తున్నాయి. కొంతమంది ట్రోలర్స్ ట్రోల్స్ చూసి మరీ ఇంత ఖాళీగా ఉన్నారేంటని ఫ్యాన్స్ కామెంట్లు చేస్తున్నారు. తారక్ రెమ్యునరేషన్ తో కలిపి ఈ సినిమాకు 300 కోట్ల రూపాయల రేంజ్ లో ఖర్చు అయిందని సమాచారం అందుతోంది.
