యంగ్ టైగర్ ఎన్టీఆర్ మంచి ఊపు మీద ఉన్నాడు. ఆ మధ్య వరుస పరాజయాలతో డీలా పడ్డ ఎన్టీఆర్ ‘టెంపర్’ తో మాస్ హిట్ ఇచ్చి అభిమానులకు భారీగా ఆనందాన్ని అందించాడు. ఇక ఆ తరువాత వచ్చిన ‘నాన్నకు ప్రేమతో” తొలుత మిక్స్డ్ టాక్ వచ్చినప్పటికీ తరువాత భారీ హిట్ గా నిలిచి ఎన్టీఆర్ కరియర్ లోనే బిగ్గెస్ట్ బ్లాక్ బష్టర్ గా రికార్డ్ ను నెలకొల్పింది. ఇదిలా ఉంటే ప్రస్తుతం ఎన్టీఆర్ కొరటాల శివ దర్శకత్వంలో ‘జనతా గ్యారేజ్’ అనే సినిమా చేస్తున్న విషయం తెలిసిందే. అయితే ఆ చిత్రం కోసం భారీగానే ఖర్చు పెడుతున్నాడు నిర్మాత. దాదాపుగా 3కోట్ల రూపాయలతో గ్యారేజ్ సెట్ ను ప్రత్యేకంగా వేయించి. అటుపై పాత కార్లను వెతికే పనిలో పడ్డారు ఈ చిత్రం యొక్క టీమ్. సెట్ మొత్తం న్యాచురల్ లుక్ వచ్చేలా రూపొందిస్తున్నాడు ఆర్ట్ డైరెక్టర్ ప్రకాష్. అంతేకాకుండా ఈ చిత్రంలో కీలక పాత్ర పోషిస్తున్న మళయాళ సూపర్ స్టార్ ‘మోహన్ లాల్’ పాత్ర ఈ చిత్రానికే పెద్ద హైలైట్ అని టాలీవుడ్ సర్కిల్స్ లో బలంగా వినిపిస్తుంది. మిర్చిలో ‘సత్య రాజ్’ క్యారెక్టర్ ఎంత కీలకమైనదో, అంతకన్నా ఎక్కువగా ఈ చిత్రంలో మోహన్ లాల్ పాత్ర ఉంటుంది అని చెబుతున్నారు చిత్ర యూనిట్. మరి ఇంత భారీగా ఖర్చు పెడుతున్న ఈ చిత్రం ఎంత భారీ హిట్ కొడుతుందో చూడాలి.
Home