అవును.. ఎన్టీఆర్ సరికొత్త అవతారం ఎత్తనున్నాడు..! ప్రస్తుతం చరణ్ తో రాజమౌళి డైరెక్షన్లో కలిసి ‘ఆర్.ఆర్.ఆర్’ చిత్రం చేస్తున్న ఎన్టీఆర్.. త్వరలోనే నిర్మాత కూడా మారబోతున్నాడని సమాచారం. తన తండ్రి హరికృష్ణ అలాగే తనయుడు భార్గవ్ పేరు కలిసి ఉండేలా ‘భార్గవ్ హరి ప్రొడక్షన్’ అనే పేరుతో ఈ నిర్మాణ సంస్థ రూపొందనుందని తెలుస్తుంది. దాదాపు ఈ పేరు ఖరారైపోయినట్టు ఎన్టీఆర్ సన్నిహితులు చెప్పుకొస్తున్నారు. త్వరలోనే దీనికి సంబందించిన అధికారిక ప్రకటన వచ్చే అవకాశం ఉందని తెలుస్తుంది.
ఇక సినిమాల విషయానికి వస్తే.. ‘ఆర్.ఆర్.ఆర్’ చిత్రం షూటింగ్ 80 శాతం పూర్తయ్యింది. ఈ చిత్రంలో ఎన్టీఆర్ కొమరం భీం పాత్రలో కనిపించబోతున్నాడు. ఇటీవల వైజాగ్ లో కొన్ని కీలకమైన సన్నివేశాల్ని షూట్ చేశారు. 2020 జూలై 30న ఈ చిత్రాన్ని విడుదల చేయడానికి ప్లాన్ చేస్తున్నారు దర్శక నిర్మాతలు. దాదాపు 400 కోట్ల బడ్జెట్ తో అగ్ర నిర్మాత డీవీవీ దానయ్య ఈ చిత్రాన్ని నిర్మిస్తున్నాడు. ఈ చిత్రం పూర్తయ్యాక ఎన్టీఆర్.. త్రివిక్రమ్ డైరెక్షన్లో నటించే అవకాశాలు ఉన్నాయని టాక్ నడుస్తుంది.
రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!
