జూనియర్ ఎన్టీఆర్ సినీ కెరీర్ లో అభిమానులలో ఎక్కువమంది నచ్చిన సినిమా ఏదనే ప్రశ్నకు సింహాద్రి పేరు సమాధానంగా వినిపిస్తోంది. రాజమౌళి డైరెక్షన్ లో ఎన్టీఆర్ హీరోగా తెరకెక్కిన ఈ సినిమాలో ఇంటర్వెల్ ట్విస్ట్ ప్రేక్షకులను ఎంతగానో ఆకట్టుకుంది. ఈ సినిమా సక్సెస్ తో మాస్ ప్రేక్షకుల్లో జూనియర్ ఎన్టీఆర్ ఫ్యాన్ ఫాలోయింగ్ ఊహించని స్థాయిలో పెరిగింది. రికార్డు స్థాయిలో ఈ సినిమా కలెక్షన్లను సాధించడంతో పాటు ఎక్కువ సంఖ్యలో థియేటర్లలో 100 రోజుల పాటు ప్రదర్శించబడింది.
అయితే ఆర్ఆర్ఆర్ మూవీ సక్సెస్ తరువాత ఎన్టీఆర్ త్రోబ్యాక్ వీడియో ఒకటి నెట్టింట ట్రెండింగ్ లో నిలిచింది. 15 సంవత్సరాల క్రితం యమదొంగ సక్సెస్ సాధించిన తర్వాత స్లిమ్ లుక్ లో ఉన్న యంగ్ టైగర్ ఎన్టీఆర్ యమదొంగ సినిమా విశేషాలతో పాటు తన కెరీర్ కు సంబంధించిన ఆసక్తికర విషయాలను అభిమానులతో పంచుకున్నారు. తాను ఈ స్థాయికి ఎదగడానికి స్టూడెంట్ నంబర్ 1 సినిమా ఒక విధంగా కారణమని తారక్ తెలిపారు.
ఆ తర్వాత ఆది సినిమాతో సక్సెస్ సాధించానని ఆది సినిమా తర్వాత సింహాద్రితో మరో సక్సెస్ సొంతమైందని తారక్ అన్నారు. సింహాద్రి మూవీ తనను కెరీర్ లో ఎంతో పైకి తీసుకెళ్లిందని అయితే అదే సినిమా నన్ను అంతే కిందికి తోసేసిందని తారక్ వెల్లడించారు. సింహాద్రి సినిమా తర్వాత వరుస ఫ్లాపుల వల్ల మూడేళ్లు ఇబ్బంది పడ్డానని తారక్ అన్నారు. ఫ్యాన్స్ కూడా సింహాద్రి తర్వాత తాను నటించిన సినిమాల విషయంలో సంతృప్తితో లేరని తారక్ వెల్లడించారు.
తన కెరీర్ లో కొన్ని సినిమాలు లక్ గా వచ్చాయని అన్నారని తారక్ వీడియోలో ఆవేదన వ్యక్తం చేశారు. ఫ్లాప్స్ లో ఉన్న సమయంలో రాఖీ చిన్న వెలుగు అని యమదొంగతో సక్సెస్ వచ్చిందని తారక్ వెల్లడించారు. సింహాద్రి సినిమా తర్వాత తారక్ నటించిన కొన్ని సినిమాలు సింహాద్రి స్థాయిలో లేకపోవడంతో ఫ్లాప్ అయ్యాయి. ఆ సమయంలో తారక్ లుక్ పై కూడా నెగిటివ్ కామెంట్లు వచ్చాయి. అయితే యమదొంగ సక్సెస్ తర్వాత తారక్ కెరీర్ ను చక్కగా ప్లాన్ చేసుకుంటూ వచ్చారు.
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
