ఎన్టీఆర్ ప్రస్తుతం రాజమౌళి డైరెక్షన్లో ‘ఆర్.ఆర్.ఆర్’ చిత్రం చేస్తున్నాడు. కరోనా హడావిడి కారణంగా ఈ చిత్రం షూటింగ్ వాయిదాపడింది. ఇప్పుడు కేంద్ర ప్రభుత్వం షూటింగ్లకు పర్మిషన్లు ఇవ్వడంతో త్వరలోనే షూటింగ్ తిరిగి ప్రారంభమయ్యే అవకాశం ఉందని టాక్ నడుస్తుంది. ఇక ఈ చిత్రం పూర్తయ్యాక త్రివిక్రమ్ డైరెక్షన్లో ఎన్టీఆర్ ఓ చిత్రం చెయ్యబోతున్నాడు. పొలిటికల్ మరియు కామెడీ ఎలిమెంట్స్ తో ఈ చిత్రం క్లీన్ ఫ్యామిలీ ఎంటర్టైనర్ గా తెరకెక్కబోతుందని సమాచారం.
ఈ చిత్రాన్ని ‘హారిక అండ్ హాసిని క్రియేషన్స్’ వారు నిర్మిస్తుండగా ‘ఎన్టీఆర్ ఆర్ట్స్’ బ్యానర్ పై కళ్యాణ్ రామ్ కూడా సహా నిర్మాతగా వ్యవహరిస్తున్నాడు. ఈ చిత్రానికి మాత్రమే కాదు ఎన్టీఆర్ నటించబోయే తరువాతి చిత్రాలకు కూడా ఇదే విధంగా కళ్యాణ్ రామ్ సహా నిర్మాతగా వ్యవహరించబోతున్నాడట. అందుకు ఎన్టీఆర్ కూడా నిర్మాతలను రిక్వెస్ట్ చేసినట్టు తెలుస్తుంది. మహేష్ బాబు కూడా .. ‘పోకిరి’ సినిమాకి తన అక్కని సహా నిర్మాతగా పెట్టాడు.
అంతేకాదు ‘దూకుడు’ ‘ఆగడు’ వంటి చిత్రాలకు కూడా అన్న రమేష్ బాబుని సహా నిర్మాతగా వ్యవహరించాడు. ఇప్పుడు ‘జి.ఎం.బి ఎంటర్టైన్మెంట్స్’ బ్యానర్ ద్వారా తాను చెయ్యబోయే సినిమాలకు సహా నిర్మాతగా కొనసాగుతున్నాడు. ఇక రాంచరణ్ కూడా తన తండ్రి చిరంజీవి నటిస్తున్న ‘ఆచార్య’ తో పాటు తరువాతి చిత్రాలకు కూడా సహా నిర్మాతగా వ్యవహరించబోతున్నాడు. ఇప్పుడు ఇదే ఫార్ములాని ఎన్టీఆర్ కూడా తన అన్న కళ్యాణ్ రామ్ విషయంలో అప్లై చెయ్యబోతున్నాడని తెలుస్తుంది.
Most Recommended Video
వి సినిమా రివ్యూ & రేటింగ్!
టాలీవుడ్ హీరోయిన్స్ రెమ్యూనరేషన్స్ లిస్ట్…!
ఆ చిత్రాలు పవన్ చేసి ఉంటే బాక్సాఫీస్ బద్దలు అయ్యేది..!
