Kingdom: ‘కింగ్డమ్’ .. ‘హరిహర వీరమల్లు’ ని పట్టించుకోకుండా రావాల్సిందే..!

పవన్ కళ్యాణ్ (Pawan Kalyan) ‘హరిహర వీరమల్లు’ (Hari Hara Veera Mallu) సినిమా రిలీజ్ కోసం.. పవన్ అభిమానులు ఎంత ఆసక్తిగా ఎదురుచూస్తున్నారో తెలీదు కానీ ‘కింగ్డమ్’ మేకర్స్ మాత్రం చాలా ఆసక్తిగా ఎదురుచూస్తున్నారు. ఎందుకంటే ఆ సినిమా రిలీజ్ అయితేనే… ‘కింగ్డమ్’ (Kingdom)  రిలీజ్ చేసుకుందాం అని డిసైడ్ అయ్యారు.

Kingdom

‘సితార ఎంటర్టైన్మెంట్స్’ అనేది పవన్ కళ్యాణ్ (Pawan Kalyan) కి కూడా హోమ్ బ్యానర్ వంటిది. ఎందుకంటే ఇందులో పవన్ స్నేహితుడు త్రివిక్రమ్ (Trivikram) కు పార్ట్నర్షిప్ ఉంది కాబట్టి..! త్రివిక్రమ్.. ఓకే అంటేనే ‘కింగ్డమ్’ (Kingdom) రిలీజ్ అవుతుంది. త్రివిక్రమ్ (Trivikram) ఓకే అనాలి అంటే పవన్ కళ్యాణ్ (Pawan Kalyan) సినిమాకు ఇబ్బంది ఉండకూడదు. అందుకే ‘హరిహర వీరమల్లు’ రిలీజ్ డేట్ అనౌన్స్ చేసిన ప్రతిసారి ‘కింగ్డమ్’ (Kingdom) వెనక్కి వెళ్తూ వస్తుంది.

అయితే ఈసారి ఆ పప్పులు ఉడకవు అని తేల్చేసింది ఓటీటీ సంస్థ. అదేంటి అనుకుంటున్నారా? విషయంలోకి వెళితే.. ‘కింగ్డమ్’ (Kingdom) సినిమాని ఎట్టి పరిస్థితుల్లోనూ జూలై 25 కి రిలీజ్ చేయాలని నెట్ ఫ్లిక్స్ సంస్థ కండిషన్ పెట్టిందట. ఇప్పటికే ‘కింగ్డమ్’ (Kingdom) వాయిదాలకి చాలా ఛాన్సులు ఇస్తూ వచ్చింది.

కానీ ఇప్పుడు ఆ ఛాన్స్ లేదని తేల్చేసింది. ‘హరిహర వీరమల్లు’ (Hari Hara Veera Mallu) జూలై 18న రిలీజ్ అనే ప్రచారం జరుగుతుంది. కానీ మేకర్స్ కన్ఫర్మ్ చేసింది లేదు. ఇప్పుడు ‘హరిహర వీరమల్లు’ (Hari Hara Veera Mallu) ఆ డేట్ కి రిలీజ్ అయినా.. అవ్వకపోయినా కచ్చితంగా ‘కింగ్డమ్’ (Kingdom) ని జూలై 25 కి రిలీజ్ చేయాల్సిందే. ఇక నిర్మాత నాగవంశీ (Naga Vamsi)కి వేరే ఆప్షన్ లేదు.

హీరోయిన్ మన్నారా చోప్రాకు పితృ వియోగం