కాజల్ కోసం రామ్ వెయిటింగ్.!

తాజాగా క‌ళ్యాణ్ రామ్ తో “ఎమ్మెల్యే” చిత్రంలో నటించిన కాజల్ అగర్వాల్ (Kajal Aggarwal) ఈ శుక్రవారం ఆ సినిమా రిజల్ట్ ఏమవుతుందా అని వెయిట్ చేస్తోంది. ఈ సినిమా తర్వాత కాజల్ నటించబోయే తెలుగు చిత్రమేదీ ఇప్పటివరకూ కన్ఫర్మ్ అవ్వలేదు. అయితే.. తాజా సమాచారం ప్రకారం హీరో రామ్ తో కలిసి నటించేందుకు కాజల్ ఒకే చెప్పిందని తెలుస్తోంది. రామ్ ప్ర‌స్తుతం త్రినాధ‌రావు న‌క్కిన ద‌ర్శ‌క‌త్వంలో “హ‌లో గురు ప్రేమ కోస‌మే” అనే చిత్రం చేస్తున్నాడు. ఈ మూవీ త‌ర్వాత ప్రవీణ్ స‌త్తారు ద‌ర్శ‌క‌త్వంలో ఓ క్రేజీ ప్రాజెక్ట్ చేయ‌నున్నాడు. ఇందులో క‌థానాయిక‌గా కాజ‌ల్‌ని ఎంపిక చేసిన‌ట్టు స‌మాచారం. గ‌తంలో రామ్‌, కాజ‌ల్ క‌లిసి “గ‌ణేష్” అనే మూవీలో క‌లిసి న‌టించారు. భ‌వ్య క్రియేష‌న్స్ బేన‌ర్‌పై వెనిగ‌ళ్ళ ఆనంద్ ఈ చిత్రాన్ని నిర్మించ‌నున్నారు.

దాదాపు తొమ్మిదేళ్ల తర్వాత రామ్ తో కలిసి కాజల్ నటించనుండడం సహజంగానే ఆసక్తికర అంశంగా మారింది. సెకండ్ ఇన్నింగ్స్ మొదలెట్టాక కాజల్ తన తొలి దర్శకుడు తేజ కోసం “నేనే రాజు నేనే మంత్రి” చేయగా.. తన తొలి హీరో కళ్యాణ్ రామ్ కోసం “ఎమ్మెల్యే” సినిమా చేస్తున్న కాజల్ ఇప్పుడు రామ్ సరసన నటిస్తుండడంతో ఇదేదో ప్యాచప్ సెషన్ లా ఉందని సోషల్ మీడియా జనాలు కామెంట్ చేస్తున్నారు.