నేను సమంతలా చేయను : కాజల్ అగర్వాల్

ఖైదీ నంబర్ 150 మూవీ విజయం సాధించడంతో టాలీవుడ్ యువరాణి కాజల్ అగర్వాల్ మళ్ళీ ఫామ్లోకి వచ్చింది. గత ఏడాది కాజల్ నటించిన చిత్రాలు వరుసగా ఫెయిల్ అవ్వడంతో నిరాశలో ఉన్న ఆమెకు ఈ సంక్రాంతి మంచి హిట్ ని అందించడంతో ఆమె ఉత్సాహంగా ఉంది. ప్రస్తుతం తేజ దర్శకత్వంలో నటిస్తోంది. రానా హీరోగా చేస్తున్న నేనే రాజు నేనే మంత్రి మూవీ షూటింగ్ లో బిజీగా ఉంటోంది. రీసెంట్ గా మీడియాకు కంటపడిన ఈమెను  విలేకరులు ‘సమంత లవ్ మ్యారేజ్ చేసుకుంటోంది.. మీరు అలాగే చేసుకుంటారా?” అని ప్రశ్నించారు.

అందుకు కాజల్ దిమ్మదిరిగే సమాధానం ఇచ్చింది. “నేను సమంత టైపు  కాదు. అసలు నాకు ప్రేమ వివాహం పై నాకు ఆసక్తి లేదు. అందుకే అరేంజ్డ్ మ్యారేజ్ చేసుకుంటాను” అని కాజల్ చెప్పింది. తాను ఇంతవరకు ప్రేమ జోలికి పోలేదని, పెళ్లి జోలికి కూడా ఇప్పట్లో పోయే అవకాశం లేదని స్పష్టం చేసింది. అందుకే ప్రేమ, పెళ్లి గురించి ఆలోచించనని చెప్పింది. నేటి కాలంలో ప్రేమ వివాహానికి అందరూ ఓటేస్తుంటే కాజల్ మాత్రం పెద్దలు కుదిర్చిన పెళ్లి చేసుకోవడానికి ఇష్టపడుతుందంటే ఏదో బలమైన కారణం ఉండే ఉంటుంది.

Also, do SUBSCRIBE to our YouTube channel to get latest Tollywood updates.