‘కల్కి 2898 ad’ (Kalki 2898 AD) చిత్రం ఈ ఏడాది జూన్ 27న విడుదలై పెద్ద బ్లాక్ బస్టర్ కొట్టింది. పాన్ ఇండియా స్టార్ ప్రభాస్ (Prabhas) నటించిన ఈ చిత్రానికి నాగ్ అశ్విన్ (Nag Ashwin) దర్శకుడు. బాక్సాఫీస్ వద్ద ఈ సినిమా రూ.1100 కోట్లు కొల్లగొట్టింది. అయితే ఈ సినిమాకి వచ్చిన కలెక్షన్స్ లో నిర్మాత అశ్వినీదత్ కి (C. Aswani Dutt) రావాల్సిన వాటా ఇంకా అందలేదట. దీనిపై ఆయన అసంతృప్తి వ్యక్తం చేస్తూ ఓవర్సీస్ బయ్యర్ కి మెయిల్ పంపారు. దానికి సంబంధించిన స్క్రీన్ షాట్ ఇప్పుడు సోషల్ మీడియాలో వైరల్ అవుతుంది.
అశ్వినీదత్ ఆ మెయిల్ ద్వారా స్పందిస్తూ.. “యూరప్లో 1.3 మిలియన్ మాత్రమే కలెక్షన్స్ వచ్చాయని మాకు రావాల్సిన షేర్ సరిగ్గా చెల్లించలేదు. దాదాపు 40 శాతం కలెక్షన్స్ లో వేరియేషన్స్ కనిపిస్తున్నాయి. యూరోప్ లో సెన్సార్ కోసం 28 వేల యూరోలు మా వద్ద నుండి తీసుకున్నారు(డిస్ట్రిబ్యూటర్). పబ్లిసిటీకి ఎలా ఖర్చు పెట్టారు అనేది మాకు సరిగ్గా వివరించలేదు. సాధారణంగా అక్కడ 3 వేల యూరోలకు మించి ఖర్చు అవ్వదు అని అంటారు.
కానీ 28 వేల యూరోస్ కి ఇన్వాయిస్ ఇచ్చారు. ముఖ్యంగా డిస్ట్రిబ్యూషన్ కింద.. మాకు రూ.5 కోట్లు చెల్లించారు. కానీ మాకు షేర్ ఇవ్వలేదు. మాకు అందిన సమాచారం ప్రకారం.. అక్కడ లోకల్ బయ్యర్స్ నుండి రూ.12 కోట్లు వసూలు చేశారు. ‘కల్కి 2898 ad’ (Kalki 2898AD) చిత్రానికి మరో రూ.5.7 కోట్లు డిస్ట్రిబ్యూటర్ షేర్ వచ్చింది. సో మాకు చెల్లించాల్సిన బ్యాలెన్స్ ‘డ్యూస్’ ని త్వరగా చెల్లించాలని కోరుకుంటున్నాను.లేదు అంటే లీగల్ ప్రొసీడింగ్స్ కి వెళ్తాము” అంటూ రాసుకొచ్చారు.
Home