మెగా కుటుంబంలో కొడుకులు, అల్లుళ్లు హీరోలు అవ్వడం సర్వ సాధారణమైపోయింది. మొన్నామధ్య కళ్యాణ్‌దేవ్‌ హీరోగా మారి ‘విజేత’ అనే సినిమా తీశాడు. అయితే ఆ సినిమా ఆశించిన విజయం అందుకోలేదు. అయితే ఆ తర్వాత ‘సూపర్‌ మచ్చి’ అనే సినిమా షూటింగ్ మొదలుపెట్టాడు. లాక్‌డౌన్‌ పూర్తవ్వగానే ఆ సినిమా షూటింగ్ తిరిగి మొదలెట్టారు. ఆ తర్వాత ‘కిన్నెరసాని’ అనే సినిమాకు కూడా ఓకే చెప్పేశాడు. అయితే ఇప్పుడు ఆ సినిమా మీద నీలి నీడలు కమ్ముకున్నాయట.
‘అశ్వత్థామ’ దర్శకుడు రమణ తేజ దర్శకత్వంలో ‘కిన్నెరసాని’ తెరకెక్కిస్తున్నారు. కల్కి వంటి కథను అందించిన దేశరాజ్ సాయి తేజ్ ఈ చిత్రానికి కథ అందించాడు. మదనపల్లిలో ఈ సినిమా ఫస్ట్ షెడ్యూల్ ను ఇటీవల పూర్తి చేశారు. త్వరలో సినిమా ఫస్ట్ లుక్‌ను విడుదల చేసేందుకు చిత్రబృందం సన్నద్ధమవుతోంది. ఇటీవల షెడ్యూల్ రషెష్‌ చూసుకున్నాక చిత్రబృందం సినిమా ఆపేయడమే బెటర్‌ అని ఫీలయ్యిందట. అయితే ఈ విషయంలో చిత్రబృందం నుంచి ఎలాంటి అధికారిక సమాచారం లేదు.
తొలి సినిమా అంతంతమాత్రంగా ఆడి, రెండో సినిమా ఇంకా రిలీజ్‌ కాలేదు. ఈ సమయంలో మూడో సినిమా ఇలా ఆగిపోవడం ఏమాత్రం కెరీర్‌కు మంచిది కాదు. మరోవైపు సాయిధరమ్‌ తేజ్, వైష్ణవ్‌ తేజ్ విషయంలో మెగా కుటుంబం చూపిస్తున్న శ్రద్ధ కళ్యాణ్‌ దేవ్‌ విషయంలో చూపించడం లేదనేది స్పష్టంగా తెలుస్తోంది. మరి ఇప్పుడైనా మెగా టీమ్‌ కళ్యాణ్‌దేవ్‌ విషయంలో శ్రద్ధ పెడతారామో.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
