కళ్యాణ్ రామ్ కెరీర్‌లో సూప‌ర్ హిట్ గా నిలిచిన చిత్రం పటాస్. దాదాపు ప‌దేళ్ల త‌ర‌వాత హిట్ అనే మాట వినిపించింది ఈ నంద‌మూరి హీరోకి. ఈ సినిమాతోనే అనిల్ రావిపూడి ద‌ర్శ‌కుడిగా త‌న ప్ర‌తిభ చూపించుకొన్నాడు. ఆ త‌ర‌వాత సుప్రీమ్ తో మరో హిట్ కొట్టాడు.
ఇప్పుడు రామ్ కోసం ఓ క‌థ సెట్ చేశాడు. అయితే మ‌ళ్లీ క‌ల్యాణ్ రామ్‌తో ఓ సినిమా చేయాల‌ని ఫిక్స‌య్యాడ‌ట ఈ పటాస్ డైరెక్టర్. పటాస్ స‌మ‌యంలోనే క‌ల్యాణ్ రామ్, అనిల్ రావిపూడి క‌ల‌సి ప‌నిచేయాల‌ని ఫిక్స‌య్యారు. కానీ.. ఎవ‌రి సినిమాల‌తో వాళ్లు బిజీగా ఉండ‌డం వ‌ల్ల ఆ కాంబినేషన్ సెట్ట‌వ్వ‌లేదు.
ఇటీవ‌లే క‌ల్యాణ్‌రామ్‌ని క‌లిసిన అనిల్ రావిపూడి.. ఓ క‌థ వినిపించ‌డం.. దాన్ని క‌ల్యాణ్ రామ్ లాక్ చేయ‌డం జ‌రిగిపోయాయ‌ని టాక్‌. ఇది పటాస్ సినిమాకు సీక్వెల్ గా ఉంటుందని సమాచారం. పూరితో కళ్యాణ్ రామ్ సినిమా పూర్త‌య్యాక అనిల్ రావిపూడి సినిమా ప‌ట్టాలెక్కే అవ‌కాశం ఉంది.
