Kamal Haasan VS Prabhas: యాస్కిన్‌ వర్సెస్‌ భైరవ.. అయితే ‘కల్కి’ సినిమాలో కాదు! ఎక్కడ, ఎప్పుడు?

పెద్ద సినిమాలు రెండూ ఒకేసారి రిలీజ్‌.. ఇది మామూలు పోటీ కాదు అని చాలాసార్లు చదివే ఉంటారు. నిజంగా ఆ రోజు వచ్చేసరికి అలాంటి పరిస్థితి ఉంటుందా? అంటే కష్టమే అని చెప్పాలి. రెండింటిలో ఒక సినిమా వెనక్కి వెళ్తుంది.. లేదంటే పంపించేస్తారు. కాబట్టి రెండు సినిమాలు ఒకేసారి వస్తాయి అని ప్రాథమిక సమాచారం వచ్చినప్పుడు మనం వాటి గురించి మాట్లాడుకోవాలి. ఎందుకంటే కొన్నిసార్లు అనుకోని విధంగా ఒకేసారి రిలీజ్‌ అవుతుంటాయి కాబట్టి.

Kamal Haasan VS Prabhas:

ఇప్పుడు అలా స్టార్‌ క్లాష్‌ అనే మాట వినిపిస్తున్న డేట్ ఏప్రిల్‌ 10. అవును వచ్చే ఏడాది సెకండ్‌ వీక్‌ గురించే ఇప్పుడు మాట్లాడుకుంటున్నది. ఇప్పటికే ఆ డేట్‌కి వస్తాం అని ‘ది రాజా సాబ్‌’ (The Rajasaab) టీమ్‌ అనౌన్స్‌ చేసింది. ఇప్పుడు మేం కూడా అప్పుడే వస్తాం అంటూ ‘థగ్‌ లైఫ్‌’ (Thug Life) టీమ్‌ అనౌన్స్‌ చేసింది. అంటే ఏప్రిల్ 10న యాస్కిన్‌ వర్సెస్‌ భైరవ.. అదేనండీ కమల్‌ హాసన్‌ వర్సెస్‌ ప్రభాస్‌ (Prabhas) ఉండబోతోంది.

కమల్‌హాసన్‌ (Kamal Haasan) – మణిరత్నం (Mani Ratnam) కలయికలో తెరకెక్కుతున్న చిత్రం ‘థగ్‌ లైఫ్‌’. ఇద్దరి కలయికలో మూడు దశాబ్దాల తర్వాత వస్తున్న చిత్రం కావడంతో ఈ సినిమా మీద భారీ ఆసక్తే ఉంది ఇండస్ట్రీలో. ప్రస్తుతం పోస్ట్‌ ప్రొడక్షన్‌ పనుల్లో ఈ సినిమాను తమిళ సంవత్సరాది సందర్భంగా ఏప్రిల్‌ రెండో వారంలో ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారట. దీంతో బాక్సాఫీసు బరిలో భారీ చిత్రాల పోటీ అని అంటున్నారు.

నిజానికి మొన్నటివరకు ‘ది రాజా సాబ్‌’ మీద భారీ అంచనాలే ఉన్నాయి. అయితే లేటెస్ట్‌గా రిలీజ్‌ చేసిన ఓల్డ్‌ లుక్‌పై భిన్న స్పందనలు వచ్చాయి. అవి సినిమాకు ఇబ్బంది కలిగించేంత ఎక్కువగా లేవు కానీ.. ఇబ్బంది అయితే పెట్టేలా ఉన్నాయి. ఇక ‘థగ్‌ లైఫ్‌’ విషయంలో ఇప్పటికే లుక్‌ విషయంలో మంచి స్పందన వచ్చింది. అయితే డేట్‌కి ఇంకా చాలా టైమ్‌ ఉంది కాబట్టి అప్పటికి ఏదైనా జరగొచ్చు.

కిరణ్ అబ్బవరం ‘క’ ఫస్ట్ రివ్యూ వచ్చేసింది.. ఎలా ఉందంటే?