Kamal Hassan: కమల్ కామెంట్లతో శంకర్ కు ఇబ్బందేనా?

కమల్ హాసన్ హీరోగా శంకర్ డైరెక్షన్ లో లైకా ప్రొడక్షన్స్ బ్యానర్ పై ఇండియన్-2 సినిమా మొదలై 60 శాతం షూటింగ్ పూర్తైన తర్వాత ఆ సినిమా షూటింగ్ ఆగిపోయిన సంగతి తెలిసిందే. తాజాగా కమల్ హాసన్ ఇండియన్-2 సినిమా గురించి మాట్లాడుతూ కీలక విషయాలను వెల్లడించారు. క్రేన్ ప్రమాద బాధితులకు పరిహారం చెల్లించే విషయంలో లైకా ప్రొడక్షన్స్ కు, కమల్ హాసన్ కు మధ్య విభేదాలు తలెత్తడంతో ఇండియన్-2 మూవీ షూటింగ్ ఆగిపోయింది.

ప్రస్తుతం కమల్ హాసన్ విక్రమ్ అనే సినిమాతో బిజీగా ఉండగా శంకర్ త్వరలో చరణ్ తో సినిమాను మొదలుపెట్టనున్నారు. అయితే కమల్ హాసన్ తాజాగా త్వరలోనే ఇండియన్-2 సినిమా పున:ప్రారంభం అవుతుందని దర్శకుడు శంకర్, నిర్మాతలతో మాట్లాడి విభేదాలను పరిష్కరించి సినిమా షూటింగ్ జరిగేలా చూస్తాననిపేర్కొన్నారు. అయితే కమల్ కామెంట్లతో శంకర్ కు ఇబ్బందులు తప్పేలా లేవు. శంకర్ ఇండియన్-2 సినిమా కోసం సమయం కేటాయిస్తే చరణ్ సినిమా షూటింగ్ ఆలస్యమవుతుంది.

ఇండియన్-2 సినిమా భారీ బడ్జెట్ సినిమా కావడం శంకర్ ఒక్కో సినిమాను సంవత్సరాల పాటు షూటింగ్ చేసే నేపథ్యంలో ఇండియన్-2 మొదలైతే శంకర్ భవిష్యత్తు ప్రాజెక్టులు ఆలస్యమవుతాయి. ఒకవేళ శంకర్ ఇండియన్-2 ప్రాజెక్ట్ ను పూర్తి చేయాలనుకుంటే చరణ్ సినిమాను పూర్తి చేసి ఇండియన్-2 సినిమాపై దృష్టి పెట్టాలని చరణ్ ఫ్యాన్స్ కోరుతున్నారు. కమల్ హాసన్ కామెంట్ల నేపథ్యంలో శంకర్ ఇండియన్-2 మూవీ గురించి ఏ విధంగా స్పందిస్తారో చూడాల్సి ఉంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!