Kannappa: బుక్‌ మై షోలో ‘కన్నప్ప’ దూకుడు..!

రాబోయే 3 నెలల్లో మంచి క్రేజ్ ఉన్న సినిమాలు అంటే ‘కన్నప్ప’ (Kannappa) ‘వార్ 2’ (War 2) ‘కూలీ’ (Coolie)..! ఇవి రిలీజ్ డేట్స్ కన్ఫర్మ్ కాకముందే బుక్‌మైషో లో రచ్చ చేశాయి. టికెట్లు ఓపెన్ కాకుండానే లక్షల్లో ఇంట్రెస్టులు చూపిస్తున్నారంటే, ఈ సినిమాల స్టామినా, స్టార్ల మ్యాజిక్ ఏ లెవెల్లో ఉందో అర్థం చేసుకోవచ్చు. అయితే వీటిలో ‘కన్నప్ప’ (Kannappa) కి ఎక్కువ మంది ఇంట్రెస్ట్ చూపించడం విశేషంగా చెప్పుకోవాలి.

Kannappa

ఈ మైథలాజికల్ డ్రామాకి బుక్‌మైషోలో ఏకంగా 190K ఇంట్రెస్టులు నమోదయ్యాయి. ముఖేష్ కుమార్ సింగ్ (Mukesh Kumar Singh) డైరెక్షన్‌లో, శివుని పరమభక్తుడి అన్‌టోల్డ్ స్టోరీ గా ఇది రూపొందింది. పాన్ ఇండియా స్టార్ ప్రభాస్ (Prabhas) రుద్రగా, మలయాళ సూపర్ స్టార్ మోహన్‌లాల్ (Mohanlal) కీలక పాత్రల్లో నటిస్తుండటంతో అంచనాలు ఆకాశాన్ని తాకాయి. ఆధ్యాత్మిక నేపథ్యం, స్టార్ కాస్టింగ్, గ్రాండియర్ విజువల్స్ ఈ సినిమాను 2025 కి బిగ్గెస్ట్ ఎట్రాక్షన్ గా నిలిపాయి.

మరోపక్క 2019 లో వచ్చిన బ్లాక్‌బస్టర్ సినిమా ‘వార్’ కి సీక్వెల్‌గా రూపొందింది ‘వార్ 2’ (War 2). హృతిక్ రోషన్ (Hrithik Roshan), జూనియర్ ఎన్టీఆర్‌ (Jr. NTR) ప్రధాన పాత్రలు పోషించడంతో ఈ సినిమాపై భారీ అంచనాలు ఏర్పడ్డాయి. ఈ యాక్షన్ థ్రిల్లర్ 150K ఇంట్రెస్టులతో దుమ్ము లేపింది. అయాన్ ముఖర్జీ డైరెక్షన్‌లో, హృతిక్ వర్సెస్ ఎన్టీఆర్ ఫేస్-ఆఫ్ అంటేనే గూస్‌బంప్స్ గ్యారెంటీ. ఇక తలైవా రజినీకాంత్ (Rajinikanth) ‘కూలీ’ (Coolie) మూడో స్థానంలో నిలిచింది.

లోకేష్ కనగరాజ్ (Lokesh Kanagaraj) దర్శకత్వంలో తెరకెక్కుతున్న ఈ యాక్షన్ డ్రామా, 79K ఇంట్రెస్టులతో మంచి బజ్ క్రియేట్ చేసింది. ఆగస్టు 14న రిలీజ్ కానున్న ఈ సినిమాలో, రజినీకాంత్-లోకేష్‌ల ఫస్ట్ టైమ్ కాంబినేషన్ కావడం విశేషం. గోల్డ్ స్మగ్లింగ్ బ్యాక్‌డ్రాప్‌ లో రూపొందుతున్న ఈ సినిమాలో నాగార్జున (Nagarjuna) కంప్లీట్ విలన్ గా నటించడం కూడా ఓ అట్రాక్షన్ అని చెప్పాలి. మొత్తానికి ఈ 3 క్రేజీ సినిమాల్లో ఊహించని విధంగా ‘వార్ 2’ ‘కూలీ’ ని వెనక్కి నెట్టి ‘కన్నప్ప’ (Kannappa) టాప్ ప్లేస్ ను దక్కించుకోవడం విశేషంగానే చెప్పుకోవాలి.

అసలు బొమ్మ ముందుంది.. టాలీవుడ్‌ ఊపిరి పీల్చుకో.. వచ్చేస్తున్నారు మనోళ్లు