తెలుగు హీరోలు ఎవ్వరూ టాలీవుడ్ స్టార్ డైరెక్టర్లకి అందుబాటులో లేరు. అందుకే కొంతమంది స్టార్ డైరెక్టర్స్ పరభాషా స్టార్ హీరోలతో సినిమాలు సెట్ చేసుకుని ముందుకు సాగుతున్నారు. ఈ క్రమంలో తమిళ స్టార్ హీరో కార్తీతో (Karthi) సినిమాలు చేయడానికి కూడా టాలీవుడ్ డైరెక్టర్లు ఎగబడుతున్నారు. ఆల్రెడీ ‘ఊపిరి’ (Oopiri) అనే స్ట్రైట్ తెలుగు మూవీలో కార్తీ హీరోగా నటించాడు. తర్వాత పరశురామ్(బుజ్జి) తో కూడా కార్తీ ఓ సినిమా చేయడానికి రెడీ అయ్యాడు.
కానీ పరశురామ్ (Parasuram) లేటెస్ట్ మూవీ ‘ఫ్యామిలీ స్టార్’ (The Family Star) అనుకున్న స్థాయిలో జనాలను ఆకర్షించలేకపోయింది. దీంతో కార్తీ.. పరశురామ్ కథని యాక్సెప్ట్ చేయకపోవచ్చు. మరోపక్క త్రివిక్రమ్ (Trivikram) కూడా కార్తీతో సినిమా కోసం సంప్రదింపులు జరిపినట్టు ఇన్సైడ్ టాక్. ‘గుంటూరు కారం’ (Guntur Kaaram) తరవాత త్రివిక్రమ్ అల్లు అర్జున్తో ఓ సినిమా చేయాలనుకున్నాడు. కానీ అల్లు అర్జున్ (Allu Arjun) … ‘పుష్ష 2’ (Pushpa2) తర్వాత అట్లీ (Atlee Kumar) దర్శకత్వంలో సినిమా చేయడానికి రెడీ అయ్యాడు.దీంతో అతను ఖాళీ అయ్యేలోపు..
నాని (Nani) – వెంకటేష్ (Venkatesh) లతో ఓ మల్టీస్టారర్ చేయాలనుకున్నాడు. అది కూడా వర్కౌట్ అవ్వలేదు. కాబట్టి త్రివిక్రమ్.. తమిళ హీరో కార్తీతో సినిమా చేయడానికి రెడీ అయినట్టు తెలుస్తుంది.’సితార ఎంటర్టైన్మెంట్స్’ బ్యానర్లో ఓ సినిమా చేయడానికి కార్తీ ముందుగానే సైన్ చేసాడట. ఇప్పుడు ఆ డేట్స్ ను త్రివిక్రమ్ సినిమా కోసం ‘హారిక అండ్ హాసిని క్రియేషన్స్’ సంస్థ వాడుకుంటున్నట్టు వినికిడి. దీనిపై అధికారిక ప్రకటన రావాల్సి ఉంది.
