నిఖిల్ హీరోగా నటించిన లేటెస్ట్ మూవీ ‘కార్తికేయ 2’. అనుపమ పరమేశ్వరన్ హీరోయిన్ గా నటించిన ఈ చిత్రాన్ని చందూ మొండేటి దర్శకత్వం వహించాడు. ఆగస్టు 13న ఈ చిత్రం ప్రేక్షకుల ముందుకు వచ్చింది. మొదటి షోతోనే సూపర్ హిట్ టాక్ ను సొంతం చేసుకున్న ఈ మూవీ వీకెండ్ కే చాలా చోట్ల బ్రేక్ ఈవెన్ సాధించి ట్రేడ్ కు పెద్ద షాకిచ్చింది. ఊహించని విధంగా రెండో రోజు, మూడో రోజు నుండి ఈ మూవీ హిందీలో కూడా భారీ కలెక్షన్లు నమోదు చేస్తుంది.
మొదటి రోజు 48 స్క్రీన్స్ లో రిలీజ్ అయిన ఈ మూవీ ఇప్పుడు 2200 కి పైగా స్క్రీన్స్ లో ప్రదర్శింపబడుతోంది. మొదటి రోజు రూ.9 లక్షలు కలెక్ట్ చేసిన ఈ మూవీ నిన్న రూ.4 కోట్ల వరకు కలెక్ట్ చేసింది. ఈరోజు కూడా చాలా బాగా కలెక్ట్ చేసింది. ఇక ఈరోజు కలెక్షన్స్ తో ఈ మూవీ ప్రభాస్ నటించిన ‘రాధేశ్యామ్’ హిందీ కలెక్షన్లను అధిగమించింది అని ట్రేడ్ పండితుల సమాచారం.
‘రాధే శ్యామ్’ చిత్రం ఫుల్ రన్లో అక్కడ రూ.22 కోట్ల వరకు నెట్ కలెక్షన్లు రాబట్టగా.. ‘కార్తికేయ 2’ ఈరోజుతో వాటిని అధిగమించింది అని తెలుస్తుంది. ‘రాధే శ్యామ్’ మూవీ రూ.350 కోట్ల బడ్జెట్ తో తెరకెక్కించిన మూవీ కాగా, ‘కార్తికేయ 2’ రూ.50 కోట్ల బడ్జెట్ లో రూపొందిన మూవీ..! ఇక ‘కార్తికేయ 2’ చిత్రం ద్వారకా నగరం బ్యాక్ డ్రాప్ లో తెరకెక్కిన మూవీ కావడంతో హిందీ జనాలు కూడా బాగా కనెక్ట్ అయ్యారు.
ఈ మూవీ తెలుగుతో పాటు హిందీలో కూడా సమానంగా కలెక్ట్ చేస్తుంది అని ‘బాహుబలి’ రచయిత విజయేంద్ర ప్రసాద్ ప్రీ రిలీజ్ వేడుకలో చెప్పుకొచ్చారు.ఆయన చెప్పినట్టే ఈ మూవీ బాలీవుడ్ బాక్సాఫీస్ వద్ద వండర్స్ క్రియేట్ చేస్తుంది.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home