” ‘కార్తికేయ 2’ … మనసా-వాచా- కర్మణా.. సూపర్ హిట్ అవుతుందని చెప్పొచ్చు.నిర్మాతలు రాసిపెట్టుకోండి… ఇక్కడ ఎంత కలెక్ట్ చేస్తుందో.. హిందీలో కూడా అంత కలెక్ట్ చేస్తుంది మీ సినిమా. సౌత్ సినిమాల విజయపరంపరను కంటిన్యూ చేస్తుంది” అంటూ ‘కార్తికేయ 2’ ప్రీ రిలీజ్ వేడుకలో రాజమౌళి తండ్రి,స్టార్ రైటర్ అయిన విజయేంద్ర ప్రసాద్ చెప్పుకొచ్చారు. ఆయన చెప్పినట్టే ఈ మూవీ సూపర్ హిట్ టాక్ తో తెలుగులోనే కాకుండా హిందీలో కూడా సూపర్ గా కలెక్ట్ చేస్తుంది.
మొదటి రోజుని మించి రెండో రోజు, రెండో రోజుని మించి మూడో రోజు ఈ మూవీ నార్త్ బెల్ట్ లో కలెక్ట్ చేసింది. ఆమిర్ ఖాన్, అక్షయ్ కుమార్ వంటి స్టార్ హీరోల సినిమాలు ఉన్నప్పటికీ ‘కార్తికేయ 2’ ఈ రేంజ్లో కలెక్ట్ చేయడం విశేషం.రోజు రోజుకు అక్కడ ‘కార్తికేయ 2′ స్క్రీన్లు పెరుగుతున్నాయి.’కార్తికేయ’ చిత్రాన్ని అక్కడి జనాలు చూసింది లేదు. కనీసం ‘కార్తికేయ 2’ విడుదలకు ముందు టీం అక్కడికి వెళ్లి ప్రమోషన్ చేసింది కూడా లేదు.
హిట్ టాక్ వచ్చాక ఇప్పుడు ముంబై వెళ్లి ప్రమోషన్ చేస్తుంది ఈ మూవీ.అయితే ‘అభిషేక్ పిక్చర్స్’ బ్యానర్ నుండి విడుదలైన ‘ది కశ్మీర్ ఫైల్స్’ సినిమా బ్లాక్ బస్టర్ కావడంతో పాటు అక్కడ అసాధారణమైన కలెక్షన్లను సాధించింది. అదే బ్యానర్ నుండి వచ్చిన మూవీ కావడంతో ‘కార్తికేయ2’ కి కలిసొచ్చిందనే చెప్పాలి. వీక్ డేస్ లో కూడా ఈ మూవీ హిందీలో బాగా కలెక్ట్ చేసే అవకాశాలు ఉన్నాయని ట్రేడ్ పండితులు చెబుతున్నారు.
ఇక చందూ మొండేటి దర్శకత్వంలో తెరకెక్కిన ‘కార్తికేయ 2’ చిత్రంలో నిఖిల్, అనుపమ హీరో హీరోయిన్లుగా నటించగా కాలభైరవ సంగీతం అందించాడు. ఆగస్టు 13న ఈ మూవీ రిలీజ్ అయ్యింది.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
