‘డ్రీమ్‌ వారియర్‌ పిక్చర్స్‌’ బ్యానర్ పై ఎస్‌.ఆర్‌. ప్రకాష్‌ , ఎస్‌.ఆర్‌. ప్రభు నిర్మించిన తాజా చిత్రం ‘ఖైదీ’. కార్తీ హీరోగా నటించిన ఈ చిత్రాన్ని లోకేష్‌ కనగరాజ్‌ డైరెక్ట్ చేసాడు. ఈ డైరెక్టర్ మొదట సందీప్ కిషన్ తో ‘నగరం’ అనే చిత్రాన్ని కూడా తెరకెక్కించాడు. ఆ చిత్రం పెద్దగా ఆడలేదు. ఇక కార్తీ గత చిత్రం ‘దేవ్’ కూడా డిజాస్టర్ కావడంతో.. మొదట ‘ఖైదీ’ చిత్రం పై ఎటువంటి అంచనాలు లేవు. అసలు ఈ సినిమా రిలీజ్ అవుతుంది అన్నట్టు కూడా చాలా మందికి తెలీదు. కానీ అందరి అంచనాలను తలక్రిందులు చేస్తూ ఈ చిత్రం బ్లాక్ బస్టర్ గా నిలిచింది. తెలుగులో ఈ చిత్రాన్ని ‘శ్రీ సత్య సాయి ఆర్ట్స్’ బ్యానర్ అధినేత రాధామోహన్ రిలీజ్ చేసాడు.
| నైజాం | 2.22 cr |
| సీడెడ్ | 0.92 cr |
| ఉత్తరాంధ్ర | 1.25 cr |
| ఈస్ట్ | 0.52 cr |
| వెస్ట్ | 0.42 cr |
| కృష్ణా | 0.80 cr |
| గుంటూరు | 0.70 cr |
| నెల్లూరు | 0.32 cr |
| ఏపీ + తెలంగాణ | 7.15 cr |
ఈ చిత్రానికి తెలుగు రాష్ట్రాల్లో 4 కోట్ల థియేట్రికల్ బిజినెస్ జరిగింది. మొదటి వారానికే బ్రేక్ ఈవెన్ సాధించడంతో పాటు ఈ చిత్రం కొన్న ప్రతీ బయ్యర్ కు లాభాలు తెచ్చిపెట్టింది. మధ్యలో చాలా సినిమాలు వచ్చి వెళ్ళినప్పటికీ ఈ చిత్రం డీసెంట్ రన్ కొనసాగిస్తూనే వచ్చింది. ఇక నిన్నటితో ఈ చిత్రం ఫుల్ రన్ ముగిసింది. ఫైనల్ గా ఈ చిత్రం 7.15 కోట్ల షేర్ ను రాబట్టి బ్లాక్ బస్టర్ హిట్ గా నిలిచింది. చాలా రోజులుగా మంచి హిట్ కోసం ఎదురుచూస్తున్న కార్తీ కి ఈ చిత్రంతో బ్లాక్ బస్టరే కొట్టాడని చెప్పాలి.
“జార్జ్ రెడ్డి” సినిమా రివ్యూ & రేటింగ్!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!
