‘బేబీ జాన్’ (Baby John) సినిమా ఎలా ఉంది? విజయం అందుకుందా? లేదా? అనే విషయాలు పక్కనపెడితే కీర్తి సురేశ్‌ (Keerthy Suresh) అయితే బాలీవుడ్‌లో లాంచ్‌ అయింది. సినిమా ఫలితం ఆమెకు ఉపయోగపడుతుందా లేదా అనే చర్చ ఓవైపు నడుస్తున్న ఈ సమయంలో ఆమె ఓ స్టార్‌ హీరోయిన్‌కు ధన్యవాదాలు చెప్పింది. ఇప్పుడు ఆ పోస్ట్‌ సోషల్‌ మీడియాలో వైరల్‌గా మారింది. కీర్తి సురేశ్‌ నుండి థ్యాంక్స్‌ అందుకున్న హీరోయిన్‌ ఇంకెవరో కాదు.. సమంత.
‘తెరి’ సినిమా రీమేక్‌ ‘బేబీ జాన్’ సినిమాతో బాలీవుడ్‌లోకి రీసెంట్‌గా ఎంట్రీ ఇచ్చింది కీర్తి సురేశ్‌. మాతృకలో ఆ పాత్రలో నటించిన కథానాయిక సమంత (Samantha). ‘బేబీ జాన్’ సినిమాలో కూడా ఆమెనే నటిస్తుంది అని తొలుత వార్తలు వచ్చాయి. అయితే అనూహ్యంగా ఆమె స్థానంలో కీర్తి సురేశ్‌ను తీసుకున్నారు. అదే సమయంలో సమంత తన సోషల్‌ మీడియాలో ‘నువ్వు తప్ప ఈ పాత్రను మరెవ్వరూ చేయలేరు’ అని కీర్తిని ఉద్దేశించి ఓ పోస్ట్‌ పెట్టింది.
ఇప్పుడు ఆ పోస్టును ప్రస్తావిస్తూనే కీర్తి సురేశ్‌.. సమంతకు థ్యాంక్స్‌ చెప్పింది. ‘బేబీ జాన్’ సినిమా హిందీలో రీమేక్‌ చేయాలని ప్లాన్స్‌ గురించి వినగానే ఆ పాత్రకు కీర్తినే కరెక్ట్‌ అని సమంత చెప్పిందట. ఈ విషయాన్ని కీర్తి తాజాగా చెబుతూ తమిళంలో ఆమె పోషించిన పాత్రను హిందీలో నేను చేయడం ఆనందంగా ఉంది. ఈ సినిమాతో బాలీవుడ్‌కు ఎంట్రీ ఇవ్వడం మర్చిపోలేని అనుభూతి. ఈ విషయంలో సమంతకు కృతజ్ఞతలు అని చెప్పింది కీర్తి.
‘తెరి’ (Theri) సినిమాలో సమంత నటనంటే నాకు చాఆ ఇష్టం. ఈ రీమేక్‌ కోసం సమంత నా పేరు చెప్పగానే తొలుత భయపడ్డాను. కానీ, ఆమె నాకు మద్దతు ఇచ్చింది. చిత్రబృందం నా పేరు అనౌన్స్‌ చేయగానే ‘నువ్వు తప్ప ఈ పాత్రను మరెవ్వరూ చేయలేరు’ అని ఇన్‌స్టాగ్రామ్‌ స్టోరీలో రాసింది. అది చూశాక నాలో నమ్మకం పెరిగింది. ఆ ఉత్సాహంతో షూటింగ్‌లో పాల్గొన్నా. ఆమె ఇచ్చిన ధైర్యంతోనే సినిమ పూర్తి చేశా అని చెప్పింది. కీర్తి.
Home