మాస్ కి సరికొత్త మీనింగ్ చెప్పిన కె.జి.ఎఫ్

“ఛత్రపతి” సినిమా చూసినప్పుడు మన తెలుగు ఆడియన్స్ అందరూ ఒక రకమైన మాస్ హిస్టీరియాతో ఊగిపోయారు. ఇదిరా హీరోయిజం అంటూ రాజమౌళిని పొగడ్తలతో ముంచెత్తడంతోపాటు ప్రభాస్ స్టార్ డమ్ ను తీసుకెళ్లి ఆకాశానికి ఎత్తేశారు. ఆ సినిమా తర్వాత హీరోయిజంను మన దర్శకులు ఎంత లేపుదాం అని ప్రయత్నించినా.. పెద్దగా ఫలితం లేకపోయింది. ప్రభాస్ హైట్ & బాడీ లాంగ్వేజ్ ముందు మిగతా హీరోలందరూ పెద్దగా కనిపించలేదు. అయితే.. నిన్న విడుదలైన “కె.జి.ఎఫ్” మాత్రం మాస్ కి సరికొత్త నిర్వచనం పలికింది.

సినిమాలోని యాక్షన్ సీన్స్ & ఎలివేషన్ ఎపిసోడ్స్ చూస్తుంటే.. ఇది కదరా అసలు సిసలు మాస్ సినిమా అనిపించింది. కథ హైలైట్ అవ్వలేదనే మైనస్ పాయింట్ పక్కన పెట్టేస్తే.. సినిమాని మాస్ ఆడియన్స్ ఫుల్లుగా ఎంజాయ్ చేస్తున్నారు. ఈ సినిమాకి సీక్వెల్ గా సెకండ్ పార్ట్ కూడా విడుదలకు రెడీగా ఉండడంతో మూవీ లవర్స్ అందరూ ఆ సీక్వెల్ కోసం వెయిటింగ్. చూస్తుంటే.. యష్ కన్నడ చిత్రసీమతోపాటు యావత్ ఇండియన్ ఫిలిమ్ ఇండస్ట్రీ మీద చెరగని సంతకం చేసేలా ఉన్నాడు.