బుల్లితెరపై ప్లాప్ అయిన ఖైదీ నంబర్ 150

మెగాస్టార్ చిరంజీవి రీ ఎంట్రీ మూవీ  ఖైదీ నంబర్ 150 భారీ కలక్షన్స్ రాబట్టింది. ఘన విజయం సాధించింది. చిరుకి మంచి ఉత్సాహాన్ని ఇచ్చింది.  అలాగే పదేళ్ల తర్వాత మెగాస్టార్ చేసిన సినిమా కావడంతో బుల్లి తెరలోను ఈ మూవీ సంచలనం సృష్టిస్తుందని అందరూ అనుకున్నారు. ఆ అంచనాలు అన్నీ తలకిందులు అయ్యాయి. ప్లాప్ అయిన సినిమాకు వచ్చిన రేటింగ్ కూడా రాకపోవడంతో మా టీవీ వాళ్ళు ఖంగుతిన్నారు.  మిగతా ఛానెల్స్ తో కాంపిటిషన్ లేని టైమ్ లో గత ఆదివారం ఖైదీ నంబర్ 150 ని ప్రసారం చేశారు. ఇప్పటి వరకు శర్వానంద్ నటించిన శతమానంభవతి సినిమా పేరిట ఉన్న రికార్డ్ ని బద్దలు కొడుతుందని భావించారు.

ఆ మూవీ తొలిసారి టీవీలో ప్రసారమైనప్పుడు 20 టీఆర్పీ వచ్చింది. అందులో సగానికి కూడా ఖైదీ నంబర్ 150 చేరుకోలేకపోయింది. మెగాస్టార్  చిత్రానికి కేవలం 6.93 టీఆర్పీ వచ్చింది. మెగాస్టార్ సినిమాకు టీవీలో ఇంత తక్కువ రేటింగ్ వస్తుందని ఎవరూ ఊహించలేదు. మహేష్ నటించిన  బ్రహ్మోత్సవానికి కూడా 7.52 రేటింగ్ వచ్చింది.  నితిన్, సమంతలు నటించిన అ..ఆ మూవీని నాలుగోసారి వేస్తే 7 టీఆర్పీ వచ్చింది. కానీ చిరు సినిమా ఆ మార్క్ కూడా అందుకోలేకపోవడం ఆశ్చర్యాన్ని కలిగిస్తోంది. దీనికి కారణం ఏమిటని మా టీవీ వాళ్లు సర్వే చేస్తున్నారు.

Also, do SUBSCRIBE to our YouTube channel to get latest Tollywood updates.