50 థియేటర్లలో వంద రోజులు పూర్తిచేసుకోనున్న ఖైదీ నంబర్ 150

సినిమా వార్తల్లో ఈ లెక్కలు ఏంట్రా.. బాబు.. అంటూ ఓ లెవల్లో ఎక్స్ ప్రెషన్ ఇచ్చేయకండి. ఆ లెక్కల  వెనుక ఉన్న విషయం తెలుసుకుంటే “ఓహో అలాగా” అంటారు. ఇక వివరాల్లోకి వెళితే.. మెగాస్టార్ చిరంజీవి తొమ్మిదేళ్ల తర్వాత హీరోగా ఖైదీ నంబర్ 150 సినిమాతో రీ ఎంట్రీ ఇచ్చారు. వివి వినాయక్ దర్శకత్వంలో తెరకెక్కించిన ఈ సినిమా సూపర్ హిట్ అయింది. కొణిదెల ప్రొడక్షన్స్ బ్యానర్లో రామ్ చరణ్ తేజ్ నిర్మించిన ఈ సినిమా 150 కోట్లకు పైగా గ్రాస్ వసూలు చేసి చిరు బాక్స్ ఆఫీస్ కి బాస్ అని నిరూపించింది. ఇప్పుడు మరో రికార్డును నెలకొల్పడానికి ఈ చిత్రం సిద్ధమైంది.

మరో రెండు వారాల్లో 50 థియేటర్లలో వందరోజులు ఆడిన చిత్రంగా ఖైదీ నంబర్ 150 నిలవనుంది. గత రెండేళ్లుగా వందరోజులు కంటే ఎంత ఎక్కువ కలక్షన్ చేసిందో దాని ప్రకారం సినిమా విజయాన్ని అంచనా వేయడం మొదలయింది. ఎంత మంచి సినిమా అయినా గట్టిగా నెల రోజులు థియేటర్లో ఉండడం గగనం అయిపోయింది. అటువంటి పరిస్థితుల్లో బాస్ మూవీ వందరోజులు యాభై  థియేటర్లలో పూర్తి చేసుకోవడం గ్రేట్ అంటూ అభిమానులు సంబరపడుతున్నారు.

Also, do SUBSCRIBE to our YouTube channel to get latest Tollywood updates.