Kiran Abbavaram: ‘మీటర్’ ఫలితం పై కిరణ్ అబ్బవరం కామెంట్స్!

‘రాజావారు రాణిగారు’ అనే చిత్రంతో ప్రామిసింగ్ హీరోగా ప్రూవ్ చేసుకున్నాడు కిరణ్ అబ్బవరం. ఆ సినిమా థియేటర్లలో కూడా బాగానే ఆడింది. తర్వాత అతను నటించిన ‘ఎస్ ఆర్ కళ్యాణమండపం’ సినిమా కూడా టాక్ తో సంబంధం లేకుండా కమర్షియల్ సక్సెస్ అందుకుంది. ఆ తర్వాత అతను చేసిన సినిమాల్లో ‘సమ్మతమే’ ‘వినరో భాగ్యము విష్ణుకథ’ వంటివి యావరేజ్ అనిపించుకున్నాయి తప్ప.. బ్లాక్ బస్టర్ సినిమాలు అనిపించుకోలేదు.అయినప్పటికీ ‘వినరో భాగ్యము విష్ణుకథ’ సినిమా అతనికి కొంత రిలీఫ్ ఇచ్చింది అనుకోవచ్చు.

కానీ తర్వాత ‘మీటర్’ అనే సినిమాతో ప్రేక్షకుల ముందుకు వచ్చాడు (Kiran Abbavaram) కిరణ్ అబ్బవరం. ఆ సినిమా మొదటి షోకే ప్లాప్ టాక్ ను మూటగట్టుకుంది. ‘మీటర్’ చాలా పెద్ద హిట్ అవుతుంది అని.. అతన్ని మాస్ హీరోగా నిలబెడుతుంది అని.. చాలా కాన్ఫిడెంట్ గా చెప్పాడు కిరణ్. కానీ ఆ సినిమా బాక్సాఫీస్ వద్ద కూడా మెరుపులు మెరిపించింది అంటూ ఏమీ లేదు. ఫైనల్ గా బాక్సాఫీస్ వద్ద డిజాస్టర్ గా మిగిలింది.

తాజాగా ‘రూల్స్ రంజన్’ సినిమా ప్రమోషన్స్ లో ‘మీటర్’ సినిమా ఫలితం పై స్పందించాడు కిరణ్.అతను మాట్లాడుతూ.. ‘ఆ సినిమా ప్రమోషన్స్ లో నేను ఏదైతే చెప్పానో.. అదే సినిమాలో ఉంది. అది ఓ సెక్షన్ ఆఫ్ ఆడియన్స్ ని ఆకట్టుకుంటుంది అని ముందుగానే చెప్పాను. వాళ్లకు ఆ సినిమా నచ్చింది. కానీ మిగిలిన ఆడియన్స్ నన్ను అలా యాక్సెప్ట్ చేయడానికి టైం పడుతుంది’ అంటూ చెప్పుకొచ్చాడు.

మ్యాడ్ సినిమా రివ్యూ & రేటింగ్!

ది గ్రేట్ ఇండియన్ సూసైడ్ సినిమా రివ్యూ & రేటింగ్!
మామా మశ్చీంద్ర సినిమా రివ్యూ & రేటింగ్!