చిన్న సినిమాల్లోనే నటించినా టాలెంట్ తో మంచి గుర్తింపును సంపాదించుకున్న హీరోలలో కిరణ్ అబ్బవరం ఒకరు. కిరణ్ అబ్బవరం నటించిన సమ్మతమే సినిమా తాజాగా థియేటర్లలో విడుదలై పాజిటివ్ టాక్ తెచ్చుకుంది. అయితే ఈ సినిమా కలెక్షన్లు మాత్రం ఆశించిన స్థాయిలో లేవని తెలుస్తోంది. అడ్వాన్స్ బుకింగ్స్ పూర్ గా ఉండటంతో ఈ సినిమా బ్రేక్ ఈవెన్ అవుతుందో లేదో చూడాల్సి ఉంది. సమ్మతమే ప్రమోషన్స్ లో భాగంగా కిరణ్ అబ్బవరం ఆసక్తికర విషయాలను వెల్లడించారు.
తన తొలి సినిమా రాజావారు రాణివారు రిలీజైన తర్వాత ఒక ప్రొడక్షన్ హౌస్ నుంచి పిలుపు వచ్చిందని కిరణ్ అబ్బవరం తెలిపారు. ఆ ప్రొడక్షన్ హౌస్ నిర్వాహకులు తనతో సినిమాను నిర్మిస్తామని అయితే రెమ్యునరేషన్ లేకుండా నటించాలని చెప్పారని కిరణ్ అన్నారు. షూటింగ్ కు రావడానికి కారు మాత్రం అరేంజ్ చేస్తామని వాళ్లు చెప్పారని కిరణ్ అబ్బవరం కామెంట్లు చేశారు. ఈ తరహా చేదు అనుభవాలు మరిన్ని ఉన్నాయని ఆయన తెలిపారు.
ఎస్ఆర్ కళ్యాణమండపం సక్సెస్ సాధించడంతో తన లైఫ్ మారిపోయిందని ఆయన చెప్పుకొచ్చారు. జాబ్ వదిలేసి తాను సినిమా రంగంలోకి రావడంతో కొంతమంది ఎందుకు అలా చేశావని తిట్టారని కిరణ్ అబ్బవరం కామెంట్లు చేశారు. ఛాన్స్ లను తాను సృష్టించుకుంటూ కెరీర్ విషయంలో ముందడుగులు వేస్తున్నానని ఆయన అన్నారు. స్టార్ డైరెక్టర్లు, స్టార్ హీరోలు మినహా మిగిలిన వాళ్లు తమ పిల్లల్ని ఈ ఇండస్ట్రీలోకి తీసుకొనిరావడానికి ఆసక్తి చూపరని ఆయన అన్నారు.
తాను సినిమా రంగంలో చూసిన స్థాయిలో మరే రంగంలో నెగిటివిటీని చూడలేదని ఆయన కామెంట్లు చేశారు. చిన్న హీరో అని ముద్రపడితే చాలా కష్టాలు పడాల్సి ఉంటుందని కిరణ్ అబ్బవరం పేర్కొన్నారు. రాయచోటికి చెందిన కిరణ్ అబ్బవరంకు యూత్ లో ఊహించని స్థాయిలో ఫ్యాన్ ఫాలోయింగ్ ఉంది. ఈ హీరోకు టాలీవుడ్ టాప్ ప్రొడక్షన్ బ్యానర్ల నుంచి ఆఫర్లు వస్తున్నాయని సమాచారం అందుతోంది.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
