Koratala Siva: సోషల్ మీడియా నుంచి తప్పుకున్న కొరటాల శివ!

June 26, 2021 / 09:07 AM ISTByFilmy Focus

Join Us

Koratala Siva: సోషల్ మీడియా నుంచి తప్పుకున్న కొరటాల శివ!

సందేశాత్మక సినిమాలతో తనకంటూ ఒక ప్రత్యేకమైన గుర్తింపు అందుకున్న దర్శకుడు కొరటాల శివ నిజ జీవితంలో కూడా సామాజిక అంశాలపై అంతే విధేయతతో ఆలోచిస్తుంటారు. ఎన్నోసార్లు సమాజంలో ఉన్న పొరపాట్లపై ఆయన సోషల్ మీడియాలో తీవ్ర ఆగ్రహం వ్యక్తం చేసిన విషయం తెలిసిందే. అయితే సడన్ గా ఆయన సోషల్ మీడియాకు గుడ్ బై చెబుతున్నట్లు వివరణ ఇవ్వడం వైరల్ గా మారింది. “హలో, నేను సోషల్ మీడియా నుండి దూరమవుతున్నానని మీ అందరికీ తెలియజేయాలనుకుంటున్నాను.

ఈ స్పెస్ లో ఎన్నో మూమెంట్స్ ఉన్నాయి. కానీ నేను దూరంగా వెళ్ళే సమయం ఇది ”అని కొరటాలా పేర్కొన్నారు. అదే విధంగా “మన మీడియా స్నేహితుల ద్వారా నేను మీతో ఎల్లప్పుడూ మీతో సన్నిహితంగా ఉంటాను. ఇంటరాక్ట్ చేస్తూనే ఉంటాను. మాధ్యమం మారుతుంది కాని మన బంధం మారదు.. అని కోరటల శివ వివరణ ఇచ్చారు. ఇక అసలు కారణాన్ని చెప్పకుండా నిష్క్రమించిన కొరటాల శివ ఎందుకు ఇలాంటి నిర్ణయం తీసుకున్నాడు? అని అభిమానులు సందేహిస్తున్నారు.

ఎదో బలమైన కారణం ఉండే ఉంటుందని కూడా అనుకుంటున్నారు. ఇక ప్రస్తుతం కొరటాల శివ ఆచార్య సినిమాకు ఫీనిషింగ్ టచ్ ఇస్తున్న విషయం తెలిసిందే. ఆ సినిమా అనంతరం జూనియర్ ఎన్టీఆర్ తో పాన్ ఇండియా సినిమాను సెట్స్ పైకి తీసుకురాబోతున్నారు.