Koratala Siva, Vijay Devarakonda: దేవర కోసం కొరటాల ప్లాన్ లు మాములుగా లేవుగా..!

ఆర్.ఆర్. ఆర్ వంటి సెన్సేషనల్ ప్రాజెక్ట్ తర్వాత యంగ్ టైగర్ ఎన్టీఆర్ హీరో గా నటిస్తున్న చిత్రం ‘దేవర’. తనతో జనతా గ్యారేజ్ లాంటి భారీ బ్లాక్ బస్టర్ హిట్ ని ఇచ్చిన కొరటాల శివ ఈ సినిమాకి దర్శకత్వం వహిస్తున్నాడు. ఎన్టీఆర్ పూర్తి స్థాయి మాస్ సినిమాలు చేసి చాలా కాలమే అయ్యింది. ఆయన నుండి ఒక పర్ఫెక్ట్ మాస్ సినిమాని కోరుకుంటున్నారు ఫ్యాన్స్. అలాంటి మాస్ సినిమానే ఈ దేవర అట.

ఈ చిత్రం కేవలం తెలుగు రాష్ట్రాల్లో ఉన్న ప్రేక్షకులకే కాకుండా, భారత దేశం లో ఉన్న ప్రతీ మాస్ మూవీ లవర్ కి గూస్ బంప్స్ రప్పించేలా ఉంటుందట. అలా కొరటాల శివ ఎంతో ద్రుష్టి సారించి ఈ చిత్రాన్ని తెరకెక్కిస్తున్నాడు. ఈ సినిమాకి ముందు ఆయన దర్శకత్వం లో వచ్చిన ‘ఆచార్య’ చిత్రం పెద్ద డిజాస్టర్ ఫ్లాప్ అయ్యింది. అందుకే ‘దేవర’ తో పాన్ ఇండియా లెవెల్ లో తన సత్తా చాటాలనే కసితో ఈ చిత్రాన్ని తీస్తున్నాడు కొరటాల శివ.

ఇక ఈ చిత్రం లో హీరోయిన్ గా శ్రీదేవి కూతురు జాన్వీ కపూర్ నటిస్తుండగా, విలన్ గా సైఫ్ అలీ ఖాన్ నటిస్తున్నాడు. వీరితో పాటుగా జగపతి బాబు మరియు ప్రకాష్ రాజ్ ప్రధాన పాత్రలు పోషిస్తున్నారు. ఇకపోతే ఈ సినిమా క్లైమాక్స్ కి ముందు కథని కీలక మలుపు తిప్పే ఒక సెన్సేషనల్ పాత్ర ఉంటుందట. ఈ పాత్రలో యంగ్ హీరో విజయ్ దేవరకొండ (Vijay Devarakonda)కనిపించబోతున్నట్టు తెలుస్తుంది.

ఆ పాత్ర ఈ సినిమా ని మరో లెవెల్ కి తీసుకెళ్తుందని, ప్రస్తుతం ఆ పాత్ర ని సస్పెన్స్ గా ఉంచారు అంటూ ఫిలిం నగర్ లో వినిపిస్తున్న టాక్. రోజు రోజుకి అంచనాలను అమాంతం పెంచేస్తున్న ‘దేవర’, ఇప్పుడు విజయ్ దేవరకొండ న్యూస్ తో మరింత అంచనాలను పెంచేసింది. త్వరలోనే విజయ్ దేవరకొండ షూటింగ్ లో పాల్గొనబోతున్నాడట, దీనికి సంబంధించిన మరికొన్ని వివరాలు తెలియాల్సి ఉంది.

బాలీవుడ్ లో అత్యధిక రెమ్యూనరేషన్ తీసుకునేది ఆ హీరోనేనా..!

‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!