Koratala Siva, Vijay Deverakonda: దర్శకుడు కొరటాల శివ రూటు మార్చారా?

స్టార్ డైరెక్టర్ కొరటాల శివ దర్శకత్వం వహిస్తున్న ఆచార్య సినిమా షూటింగ్ అంతకంతకూ ఆలస్యమవుతున్న సంగతి తెలిసిందే. త్వరలో ఈ సినిమా షూటింగ్ పూర్తి కానుండగా ఆ తర్వాత ఎన్టీఆర్ సినిమా పనులను మొదలుపెట్టాలని కొరటాల శివ భావిస్తున్నారు. ఎన్టీఆర్ కొరటాల కాంబో మూవీ స్క్రిప్ట్ పనులు ఇప్పటికే పూర్తయ్యాయని సమాచారం. అయితే ఈ సినిమా తర్వాత కొరటాల శివ విజయ్ దేవరకొండ కాంబోలో ఒక సినిమా తెరకెక్కనుందని తెలుస్తోంది.

అయితే ఈ ప్రాజెక్ట్ కు సంబంధించిన అధికారిక ప్రకటన రావాల్సి ఉంది. ప్రస్తుతం విజయ్ దేవరకొండ లైగర్ అనే పాన్ ఇండియా మూవీతో బిజీగా ఉన్నారు. లైగర్ మూవీపై భారీగా అంచనాలు నెలకొనగా ఈ మూవీ రిలీజ్ డేట్ కు సంబంధించిన ప్రకటన వెలువడాల్సి ఉంది. ఈ సినిమా తర్వాత విజయ్ దేవరకొండ సుకుమార్ డైరెక్షన్ లో ఒక సినిమాలో, శివ నిర్వాణ డైరెక్షన్ లో ఒక సినిమాలో నటించనున్నారు.

ఈ సినిమాల తర్వాత విజయ్ కొరటాల శివ కాంబో మూవీ పట్టాలెక్కే అవకాశాలు అయితే ఉన్నాయి. దర్శకుడు కొరటాల శివ సినిమాసినిమాకు గ్యాప్ వస్తున్న నేపథ్యంలో హీరోల ఎంపిక విషయంలో రూటు మార్చారని తెలుస్తోంది. ఒక సినిమా పూర్తి కాకముందే తరువాత సినిమాలకు హీరోలను కొరటాల శివ ఫిక్స్ చేసుకుంటున్నారని సమాచారం. అయితే కొరటాల శివ విజయ్ కాంబినేషన్ లో నిజంగా సినిమా తెరకెక్కుతుందో లేదో తెలియాలంటే మరికొన్ని రోజులు ఆగాల్సిందే.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!