యంగ్ టైగర్ ఎన్టీఆర్ ఈ మధ్యనే ‘ఆర్.ఆర్.ఆర్’ చిత్రంతో ప్రేక్షకుల్ని పలకరించాడు. సుమారు 4 ఏళ్ళ తర్వాత ఎన్టీఆర్.. అభిమానుల్ని అలరించాడు. ఇక రాజమౌళి దర్శకత్వంలో తెరకెక్కిన ఈ చిత్రం ఇండియాలోనే బిగ్గెస్ట్ బ్లాక్ బస్టర్స్ లో ఒకటిగా నిలిచింది. ఈ మూవీలో ఎన్టీఆర్ కొమరం భీమ్ గా నటించాడు. ఆ పాత్రకి అతను జీవం పోసాడు అనే చెప్పాలి. ఎన్టీఆర్ కు ఈ మూవీ పాన్ ఇండియా ఇమేజ్ ను తెచ్చిపెట్టింది. ఈ మూవీ తర్వాత ఎన్టీఆర్..
కొరటాల శివ దర్శకత్వంలో ఓ సినిమా చేయడానికి రెడీ అవుతున్నాడు. ఇదిలా ఉండగా.. తాజాగా ఎన్టీఆర్ పై సీనియర్ స్టార్ నటుడు కోటా శ్రీనివాసరావు చేసిన కామెంట్స్ వైరల్ అవుతున్నాయి. ఎన్టీఆర్ తోపు అన్నట్టు .. అతన్ని ఆకాశానికి ఎత్తేశారు కోటా. ఆయన మాట్లాడుతూ… “నాకు బాగా నచ్చినటువంటి హీరో జూ.ఎన్టీఆర్. ఓపెన్ గా చెబుతున్నాను. అతనికి ఉన్న పొటెన్షియాలిటీ ఎవరికీ లేదండి. మంచి నటులు ఉన్నారు. బన్నీ, కృష్ణ గారి అబ్బాయి మహేష్ బాబు…
మంచి నటులే కానీ ఎన్టీఆర్ కి ఉన్న పొటెన్షియాలిటీ లేదు. సీనియర్ ఎన్టీఆర్ ను కూడా రీప్లేస్ చేసాడు ఇంకేం కావాలి. జూ.ఎన్టీఆర్ అనుకుంటున్నారు అంటే చేసినట్టే కదా. ఎన్టీఆర్ లో పొటెన్షియాలిటీ ఉంది. వాక్ శుద్ధి ఉంది. డైలాగులు బ్రహ్మాండంగా చెబుతాడు. మంచి జ్ఞాపకశక్తి ఉంది అతనికి. డ్యాన్సులు బాగా చేస్తాడు” అంటూ కోటా శ్రీనివాసరావు చెప్పుకొచ్చారు. ఎన్టీఆర్ ను కోటా పొగడ్డంలో తప్పేమీ లేదు కానీ.. మిగిలిన హీరోలని తక్కువ చేసి మాట్లాడటం కరెక్ట్ కాదని కొందరు నెటిజన్లు కామెంట్లు పెడుతున్నారు.
Most Recommended Video
అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!
