క్రిష్, కంగనా రనౌత్ కలయికలో వస్తున్న మణికర్ణిక

గౌతమి పుత్ర శాతకర్ణి తో తెలుగు జాతి కీర్తిని ప్రపంచానికి పరిచయం చేసిన డైరక్టర్ గా క్రిష్ పేరు దక్కించుకున్నారు. దీని తర్వాత ఆయన చేసే సినిమా ఏంటని అందరూ ఆసక్తిగా ఎదురుచూస్తున్నారు. ఆమూవీ ఫిక్స్ అయింది. క్రిష్, కంగనా కలయికలో మూవీ రానుంది. దీనికి మణికర్ణిక అని ఖరారు చేశారు. ఒకటవ శతాబ్దపు చక్రవర్తి శాతకర్ణి కథను వెండితెర మలిచిన తీరుకు ఫిదా అయిన బాలీవుడ్ నటి కంగనా రనౌత్ క్రిష్ కి భారీ ప్రాజక్ట్ ని అందించింది. ఆమె ఇష్టపడి ఝాన్సీ లక్ష్మి భాయ్ కథని విజయేంద్ర ప్రసాద్ తో స్క్రిప్ట్ గా రాయించుకుంది.

ఆ సినిమాని డైరక్ట్ చేసే బాధ్యతను క్రిష్ కి ఇచ్చింది. ఈ మూవీ గురించి చర్చల కోసం వారణాసి వెళ్లిన క్రిష్, కంగనా త్వరలో ఈ సినిమా వివరాలను అధికారికంగా వెల్లడించనున్నారు. అయితే ఇది ఐదవ శతాబ్దంలో ప్రాణ త్యాగం చేసిన ఆది పరాశక్తి కథేనా? లేక ఝాన్సీ లక్ష్మి భాయ్ కథనా? అనేది సస్పెన్స్ లో ఉంది. రెండు రోజుల్లో ఆ సస్పెన్స్ వీడిపోనుంది.

Also, do SUBSCRIBE to our YouTube channel to get latest Tollywood updates.