టాలీవుడ్ ప్రముఖ దర్శకులలో కృష్ణవంశీ ఒకరు కాగా క్రియేటివ్ డైరెక్టర్ గా ఇండస్ట్రీలో గుర్తింపును సంపాదించుకున్న ఈ దర్శకునికి ఈ మధ్య కాలంలో లక్ కలిసిరావడం లేదు. కృష్ణవంశీ డైరెక్షన్ లో తెరకెక్కిన సినిమాలేవీ బాక్సాఫీస్ వద్ద కమర్షియల్ గా సక్సెస్ సాధించడం లేదు. స్టార్ హీరోలు సైతం కృష్ణవంశీతో సినిమాలు తీయడానికి పెద్దగా ప్రాధాన్యత ఇవ్వడం లేదు. వరుస ఫ్లాపులు కృష్ణవంశీ కెరీర్ పై తీవ్రస్థాయిలో ప్రభావం చూపాయి.
కొన్నేళ్ల క్రితం బాలయ్య కృష్ణవంశీ (Krishna Vamsi) కాంబినేషన్ లో రైతు అనే సినిమా తెరకెక్కుతున్నట్టు ప్రచారం జరగగా ఈ సినిమాలోని కీలక పాత్రకు అమితాబ్ నో చెప్పడంతో ఈ ప్రాజెక్ట్ పట్టాలెక్కలేదు. కృష్ణవంశీ కెరీర్ లోని బిగ్గెస్ట్ బ్లాక్ బస్టర్ హిట్లలో ఖడ్గం సినిమా ఒకటి కాగా ఈ మూవీ విడుదలైన సమయంలో ఈ సినిమాలోని పృథ్వీరాజ్ పాత్ర సన్నివేశాలను బాలయ్యను ఉద్దేశించి తీశారని ప్రచారం జరిగింది.
తాజాగా యూట్యూబ్ ఛానల్ కు ఇంటర్వ్యూ ఇచ్చిన కృష్ణవంశీ ఈ ప్రశ్నల గురించి క్లారిటీ ఇచ్చారు. ఖడ్గం సినిమాలో పృథ్వీరాజ్ రోల్ ఎవరినీ ఉద్దేశించి తీసింది కాదని అయితే ఆ రోల్ వల్ల కెరీర్ కు మాత్రం నష్టం కలిగిందని ఆయన తెలిపారు. బాలయ్య బాబును ఆ సినిమాలో ఇమిటేట్ చేసినట్టు జరిగిన ప్రచారంలో ఏ మాత్రం నిజం లేదని కృష్ణవంశీ పేర్కొన్నారు. బాలకృష్ణలా డైలాగ్స్ ఎవరు చెప్పగలరని అయన అన్నారు.
ప్రస్తుతం రేసులో వెనుకబడ్డ కృష్ణవంశీ త్వరలో సక్సెస్ ట్రాక్ లోకి వచ్చి కెరీర్ పరంగా బిజీ కావాలని ఫ్యాన్స్ భావిస్తున్నారు. ఈ జనరేషన్ ఆడియన్స్ లో కూడా కృష్ణవంశీని అభిమానించే వాళ్లు ఎక్కువ సంఖ్యలో ఉన్నారు. సరైన ప్రాజెక్ట్ తో టాలీవుడ్ ప్రముఖ హీరోలను సంప్రదిస్తే కృష్ణవంశీ కోరుకున్న హిట్ దక్కే ఛాన్స్ అయితే ఉందని కామెంట్లు వ్యక్తమవుతున్నాయి. కృష్ణవంశీ పారితోషికం పరిమితంగా ఉందని తెలుస్తోంది.
మిస్టర్ ప్రెగ్నంట్ సినిమా రివ్యూ & రేటింగ్!
ప్రేమ్ కుమార్ సినిమా రివ్యూ & రేటింగ్!
గత 10 సినిమాల నుండి రజనీకాంత్ సినిమాల థియేట్రికల్ పెర్ఫార్మన్స్ ఎలా ఉందంటే?
