Krithi Shetty: సూపర్ హిట్ సీక్వెల్ కు నొ చెప్పిన కృతి శెట్టి..!

‘ఉప్పెన’ వంటి బ్లాక్ బస్టర్ చిత్రంతో టాలీవుడ్ కు ఎంట్రీ ఇచ్చిన హీరోయిన్ కృతి శెట్టి… ఇప్పుడు మోస్ట్ వాంటెడ్ హీరోయిన్స్ లిస్ట్ లో చేరిపోయిన సంగతి తెలిసిందే. ప్రస్తుతం ఈమె చేతిలో 3 సినిమాలు ఉన్నాయి. లింగుసామి దర్శకత్వంలో రామ్ హీరోగా తెరకెక్కుతున్న మూవీ ఒకటి కాగా మరొకటి నానితో, ఇంకోటి సుధీర్ బాబుతో చేస్తుంది. ఒక్కో సినిమాకి ఈ అమ్మడు రూ.60 లక్షల వరకు పారితోషికం డిమాండ్ చేస్తున్నట్టు ఎప్పటి నుండో చర్చ జరుగుతుంది.

ఇదిలా ఉండగా.. ఇటీవల ఈ అమ్మడికి అక్కినేని హీరో సినిమాలో అవకాశం వస్తే తిరస్కరించినట్టు తెలుస్తుంది. వివరాల్లోకి వెళితే.. అక్కినేని నాగార్జున హీరోగా ‘బంగార్రాజు’ మూవీ తెరకెక్కనున్న సంగతి తెలిసిందే.2016 లో వచ్చిన ‘సోగ్గాడే చిన్ని నాయన’ కి ఇది సీక్వెల్ గా తెరకెక్కుతోంది.కళ్యాణ్ కృష్ణ కురసాల ఈ చిత్రానికి దర్శకత్వం వహించనున్నాడు. నాగ చైతన్య కూడా ఈ చిత్రంలో కీలకపాత్ర పోషించనున్న సంగతి తెలిసిందే. అతని సరసన కీర్తి సురేష్, రష్మిక వంటి భామలను అనుకున్నారు కానీ వాళ్ళు అంగీకరించలేదని తెలుస్తుంది.

ఇక ఈ మధ్యనే కృతి శెట్టిని సంప్రదించగా ఆమె ఈ ఆఫర్ ను హోల్డ్ లో పెట్టిందట. నిర్మాతలు త్వరగా మీ నిర్ణయం చెప్పమని కోరగా ఆమె నొ చెప్పిందట.ఎందుకంటే తన షెడ్యూల్ ఎప్పుడు ఉంటుంది అనే విషయాన్ని చిత్ర యూనిట్ సభ్యులు క్లారిటీ గా చెప్పడం లేదట. మరోపక్క ఈమెకు నితిన్ చేయబోయే నెక్ట్ మూవీలో కూడా అవకాశం వచ్చిందట. సో కాల్షీట్లు ఎడ్జస్ట్ చేయలేనేమో అని చెప్పి ఈమె నొ చెప్పినట్టు తెలుస్తుంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్