మహేష్బాబుతో పని చేసే హీరోయిన్లను… మీ హీరో గురించి చెప్పండి అంటే ‘అద్భుతం’ అనే చెబుతారు. అంత జెంటిల్మన్ మరి మహేష్. మహేష్తో ‘1 నేనొక్కడినే’లో నటించిన కృతి సనన్ను ఇదే మాట అడిగితే… అందరు నాయికలు చెప్పే సమాధానమే చెప్పింది. ఇన్స్టాగ్రామ్ స్టోరీస్లో ఇటీవల కృతి ప్రశ్న – జవాబు కార్యక్రమం చేపట్టింది. ఈ క్రమంలో మహేష్ గురించి ఒక్క ముక్కలో చెప్పండి అని ఓ అభిమాని అడిగారు.
అభిమాని ప్రశ్నకు కృతి సమాధానం ఇస్తూ… ‘ఆయన బెస్ట్. ఎప్పటికీ నా ఉత్తమ సహనటుడు. చాలా హుందాగా ఉంటారు. అద్భుతమైన మనిషి. ఆయనతో పని చేసే అవకాశం మరోసారి వస్తుందని ఆశిస్తున్నాను’ అంటూ మహేష్ను ఆకాశానికి ఎత్తేసింది. అయితే ఆఖరులో తనదైన సెన్సాఫ్ హ్యూమర్తో ‘మీరు ఒక్క ముక్క(పదం)లో అడిగారు. నేను 19 పదాల్లో చెప్పాను.. క్షమించండి’ అంటూ ముగించింది కృతి. తెలుగు సినిమా (1 నేనొక్కడినే)తోనే తెరంగేట్రం చేసిన కృతి… ఆ తర్వాత ‘దోచేయ్’ అంటూ నాగచైతన్యతో నటించింది.
ఆ రెండూ సినిమాలూ నిరాశపరచడంతో మళ్లీ ఇటువైపు తిరిగి చూడలేదు. ఇప్పుడు ‘ఆదిపురుష్’ అనే పాన్ ఇండియా సినిమా ద్వారా మళ్లీ త్వరలో తెలుగులో కనిపించబోతోంది. ఈ క్రమంలో మహేస్ గురించి ఇలా మాట్లాడటం చూస్తుంటే… తెలుగులో ఛాన్స్ కోసం ఏమన్నా ట్రై చేస్తోందా అనిపిస్తోంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
