సౌత్ ఇండియాలో అన్ని భాషల్లో మంచి గుర్తింపును కలిగి ఉన్న సీనియర్ హీరోయిన్లలో ఖుష్బూ (Khushbu) ఒకరు. టాలీవుడ్ హీరోలలో జూనియర్ ఎన్టీఆర్ (Jr NTR) అంటే ఖుష్బూకు ఎంతో అభిమానం కాగా యమదొంగ సినిమాలో ఖుష్బూ కీలక పాత్రలో నటించడం జరిగింది. స్టాలిన్ (Stalin) సినిమాలో చిరంజీవికి (Chiranjeevi) అక్కగా నటించిన ఖుష్బూ చిరంజీవికి జోడీగా నటించాలని ఉందని కామెంట్లు చేశారు. బాలయ్యకు (Nandamuri Balakrishna) కూడా జోడీగా నటించాలని ఉందని ఆమె పేర్కొన్నారు. ఒక సినిమా ప్రమోషన్స్ లో భాగంగా ఆమె మాట్లాడుతూ భార్యాభర్తల మధ్య గొడవలు వస్తే ఒకరినొకరు తిట్టుకోవడం, చేయి ఎత్తడం చేయకూడదని ఖుష్బూ అన్నారు.
మా ఆయనతో గొడవ పడితే కొన్నిరోజులు మాట్లాడకుండా ఉండిపోతానని ఆమె పేర్కొన్నారు. గొడవ మరీ పెద్దదైతే ఇంట్లో ప్లేట్లు పగలగొడతానని ఖుష్బూ చెప్పుకొచ్చారు. పవన్ తో తాను రాజకీయాల గురించి మాట్లాడలేదని ఆమె తెలిపారు. తాను బీజేపీలో ఉన్న నేపథ్యంలో అవసరమైతే కూటమి తరపున ప్రచారం చేయడానికి ఎలాంటి అభ్యంతరం లేదని ఖుష్బూ వెల్లడించారు.
చిరంజీవి, బాలయ్య సినిమాలలో హీరోయిన్ గా నటించే అవకాశం కోసం ఎదురుచూస్తున్నానని ఆమె తెలిపారు. యంగ్ హీరోలలో తారక్ అంటే ఇష్టమని తారక్ తో మరో సినిమా చేయాలని తాను ఫీలవుతున్నానని ఖుష్బూ చెప్పుకొచ్చారు. జూనియర్ ఎన్టీఆర్ సినిమాలో ముఖ్యమైన రోల్ అయితే మాత్రమే నటిస్తానని ఖుష్బూ వెల్లడించారు. ఖుష్బూ చెప్పిన విషయాలు తారక్ దృష్టికి వస్తే తారక్ కచ్చితంగా ఛాన్స్ ఇస్తారని కామెంట్లు వ్యక్తమవుతున్నాయి.
ఖుష్బూ ఏపీ ఎన్నికల్లో నిజంగానే ప్రచారం చేస్తారో లేదో తెలియాలంటే మరికొన్ని రోజులు ఆగాల్సిందే. ఖుష్బూ ఇప్పటికీ కెరీర్ పరంగా అంతకంతకూ బిజీ అవుతున్న సంగతి తెలిసిందే. ఖుష్బూ రెమ్యునరేషన్ చాలామంది సీనియర్ హీరోయిన్లతో పోలిస్తే తక్కువ మొత్తంగానే ఉంది. వయస్సు పెరుగుతున్నా ఖుష్బూ లుక్స్ విషయంలో ఎన్నో జాగ్రత్తలు తీసుకుంటూ వార్తల్లో నిలుస్తున్నారు.
