Laila Collections: బిగ్గెస్ట్ డిజాస్టర్ గా మిగిలిన ‘లైలా’..!

విశ్వక్ సేన్ (Vishwak Sen) , ఆకాంక్ష హీరో, హీరోయిన్లుగా నటించిన సినిమా ‘లైలా’ (Laila). వాలెంటైన్స్ డే సందర్భంగా ఫిబ్రవరి 14న ప్రేక్షకుల ముందుకు వచ్చిన ఈ సినిమా ప్లాప్ టాక్ ను మూటగట్టుకుంది. రామ్ నారాయణ్ దర్శకత్వం వహించిన ఈ సినిమాని ‘షైన్ స్క్రీన్స్’ బ్యానర్ పై సాహు గారపాటి (Sahu Garapati)  నిర్మించారు. సినిమాలో కామెడీ, ఫైట్స్, డబుల్ మీనింగ్ డైలాగ్స్ వంటివి శృతి మించడంతో ప్రేక్షకులు దారుణంగా విమర్శించారు. మొదటి రోజు కొంత డీసెంట్ ఓపెనింగ్స్ సాధించినా రెండో రోజు నుండి కలెక్షన్స్ తగ్గుతూ వచ్చాయి.

Laila Collections

ఒకసారి క్లోజింగ్ కలెక్షన్స్ ని గమనిస్తే :

‘లైలా’ చిత్రానికి రూ.7.5 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కావాలంటే రూ.8 కోట్ల షేర్ ను రాబట్టాల్సి ఉంది. అయితే ‘లైలా’ ఫుల్ రన్లో కేవలం రూ.1.26 కోట్లు షేర్ ను మాత్రమే రాబట్టింది. గ్రాస్ పరంగా రూ.2.22 కోట్లు కలెక్ట్ చేసినట్లు తెలుస్తుంది. బ్రేక్ ఈవెన్ కి మరో రూ.6.74 కోట్ల(షేర్) దూరంలో ఆగిపోయి బిగ్గెస్ట్ డిజాస్టర్ గా నిలిచింది. ఈ మధ్య కాలంలో విశ్వక్ సేన్ ఈ రేంజ్ డిజాస్టర్ ఇచ్చింది లేదు.