హాలీవుడ్ సీతగా మంచు లక్ష్మి!

తన నటనతో ప్రపంచ సినీ అభిమానులను అలరించడానికి మంచు లక్ష్మి మేకప్ వేసుకుంది. ఇందుకోసం మరోమారు హాలీవుడ్ మెట్లు ఎక్కింది. మంచు లక్ష్మికి సినీ ఇండస్ట్రీలోని అనేక క్రాఫ్ట్ లో పట్టు ఉంది. నిర్మాతగా, నటిగా, సింగర్ గా తాను ఏమిటో నిరూపించుకుంది. ఎన్నో అవార్డ్స్ సొంతం చేసుకుంది. బుల్లితెరలో కూడా ప్రేమతో మీ లక్ష్మి, బూమ్ బూమ్, మేము సైతం వంటి టాక్, చాట్ షో లతో దూసుకు పోతోంది. తెలుగులోనే కాకుండా ఇంగ్లీష్ లో లాస్ వెగాస్, బోస్టన్ లీగల్, మిస్టరీ ఈఆర్ సీరియల్ ల్లో మెరిసారు. ఒక హాలీవుడ్ సినిమాలో కూడా మెప్పించారు.

మంచు లక్ష్మి చాలా కాలం తర్వాత “బాస్మతి బ్లూస్” అనే హాలీవుడ్ చిత్రంలో నటించారు. ఇందులో సీత పాత్రలో కనిపించనున్నారు. ఈ చిత్రానికి నిర్మాననంతరం పనులు జరుగు తున్నాయి. మంచు లక్ష్మి తన పాత్రకు డబ్బింగ్ కూడా చెప్పారు. డాన్ బారోన్ దర్శకత్వం వహించిన బాస్మతి బ్లూస్ చిత్రం త్వరలో రానుంది.