ప్రముఖ నిర్మాత దిల్ రాజు (Dil Raju) ప్లానింగ్‌ అదిరిపోతుంది అని అంటుంటారు. ఆయన ప్లానింగ్‌ గురించి ఇప్పటికే మీకు తెలిసుంటే ఓకే. ఒకవేళ తెలియకపోతే ఇప్పుడు మేం చెప్పబోయే సినిమా లిస్ట్ వాటి సంగతులు మీకు కచ్చితంగా ఆశ్చర్యానికి గురి చేస్తాయి. ఎందుకంటే ఆయన నిర్మాణ సంస్థల్లో ఇప్పుడు ఏకంగా 15కిపైగా సినిమాలు రూపొందుతున్నాయి. ఒక నిర్మాత నుండి అన్నేసి సినిమాలు అంటే ఆశ్చర్యమే కదా మరి. టాలీవుడ్‌లో ఇప్పుడు ఎక్కువ సినిమాలు తీస్తున్న నిర్మాణ సంస్థలు ఏవంటే.. మైత్రీ మూవీ మేకర్స్‌, పీపుల్‌ మీడియా ఫ్యాక్టరీ సితార.. అంటూ ఓ లిస్ట్ చెప్పొచ్చు.
వీటితోపాటు దిల్ రాజు ప్రొడక్షన్స్‌ కూడా ఉంది. అయితే ఆయన ఇటీవల నెమ్మదించారు అని అంటున్నారు కానీ మొత్తంగా 15కి పైగా సినిమాలు రెడీ చేస్తున్నారు లని రీసెంట్‌గా తెలిసింది. ఓసారి లిస్ట్ చూసుకుంటే… మే 25న రానున్న ‘లవ్ మీ ఇఫ్ యు డేర్’ (Love Me) ఆయన రెండో నిర్మాణ సంస్థ నుండి వస్తున్నదే. ఇక రామ్ చరణ్ (Ram Charan) ‘గేమ్ ఛేంజర్’ (Game changer) , నితిన్ (Nithin) ‘తమ్ముడు’ (Thammudu) ఎస్వీసీ బ్యానర్‌ మీద రూపొందుతున్నవే. నాని (Nani) – బలగం (Balagam) వేణు (Venu Yeldandi) ‘ఎల్లమ్మ’ను ఇటీవల లాక్‌ చేశారు. పూజా కార్యక్రమాలతో త్వరలో సినిమా అధికారికంగా మొదలవుతుంది.
రవికిరణ్ కోలా (Ravi Kiran Kola) దర్శకత్వంలో విజయ్ దేవరకొండ (Vijay Deverakonda) హీరోగా ఓ సినిమా అనౌన్స్ చేశారు. అనిల్‌ రావిపూడి (Anil Ravipudi) – వెంకటేశ్‌ (Venkatesh Daggubati) సినిమా ‘సంక్రాంతికి వస్తున్నాం’ కూడా అనౌన్స్ చేసేస్తారట. ఇక్కడివరకు దాదాపు ఓకే అయి సెట్స్ మీదకు వచ్చే సినిమాల లిస్ట్ అయిపోయింది. ఇక సెట్స్ పైకి వెళ్లాల్సిన సినిమాల సంగతి చూస్తే.. ‘హిట్’ (HIT) సినిమాల సిరీస్ దర్శకుడు శైలేష్ కొలను (Sailesh Kolanu) ఓ కథను సిద్ధం చేశారట. ధనుష్ (Dhanush) – ‘శ్రీకారం’ (Sreekaram) కిషోర్ రెడ్డి (Kishore Reddy) కలయికలో ఓ సినిమాకు గ్రీన్ సిగ్నల్ వచ్చేసిందట. ఎప్పటి నుండో బాలకృష్ణతో (Nandamuri Balakrishna) చేయాలనుకున్న సినిమా త్వరలో ఓకేనట.
అలాగే రవితేజ (Ravi Teja) ఒక సినిమా ఉంటుందట. ఇంద్రగంటి మోహనకృష్ణ (Mohana Krishna Indraganti) , శ్రీకాంత్ అడ్డాల (Srikanth Addala) కూడా దిల్ రాజుకు ఓ సినిమా చేయాల్సి ఉందట. ‘ఫ్యామిలీ స్టార్’ (Family Star) దర్శకుడు పరశురామ్‌తో (Parasuram) ఓ సినిమా ఉంటుందట. ‘శతమానం భవతి నెక్స్ట్ పేజీ’ని (Shatamanam Bhavati) ఆశిష్ తో (Ashish Reddy) తెరకెక్కించాలనేది దిల్ రాజు ఆలోచన. సిద్ధు జొన్నలగడ్డ (Siddu Jonnalagadda) సినిమా ఒకటి చేయాల్సి ఉంది. షాహిద్ కపూర్ (Shahid Kapoor) – వంశీ పైడిపల్లి (Vamshi Paidipally) కాంబోతో బాలీవుడ్‌కి నేరుగా వెళ్లాలని చూస్తున్నారు దిల్‌రాజు. సుహాస్ (Suhas) హీరోగా సందీప్ బండ్లతో ఓ ప్రాజెక్టు త్వరలో ఓకే అవుతుందట.
Home