పవర్ స్టార్ పవన్ కళ్యాణ్ కాటమరాయుడు సినిమా తర్వాత వెంటనే త్రివిక్రమ్ తో మూవీ మొదలెట్టారు. దీని తర్వాత ఆర్ టీ నేసన్ దర్శకత్వంలో నటించనున్నారు. ఈ రెండింటినీ వీలైనంత తొందరగా పూర్తి చేయాలనీ పవన్ భావిస్తున్నారు. ఎందుకంటే వచ్చే ఏడాది నుంచి ఎన్నికల హడావుడి మొదలవుతుంది. తన జనసేన పార్టీని విస్తరించడానికి ఒక ఏడాది సమయం అయినా కావాలి. ఈ విధంగా ఆలోచిస్తే పవన్ ఇదివరకు ఒకే చెప్పిన అనేక ప్రాజక్టులు కార్యరూపం దాల్చేలా లేవు. అవి ఏమిటంటే.. దర్శకరత్న దాసరి నారాయణరావు నిర్మాణంలో పవన్ ఒక మూవీ చెయ్యాలి. అందుకు కథల చర్చల్లో ఉన్న దాసరి ఆరోగ్యం దెబ్బతినడంతో ఆ ప్రాజక్ట్ వెనక్కి వెళ్ళింది.
రెండోది మెగా మల్టీ స్టారర్ మూవీ. పవన్, చిరు కలయికలో టీఎస్ఆర్ సినిమాను నిర్మిస్తానని చెప్పారు. దర్శకుడిగా త్రివిక్రమ్ పృ బయటికి వచ్చినా, ఆ తర్వాత ఈ సినిమా గురించి ఏ వార్తా రాలేదు. ఇంకొకటి కోబలి. అభిమానులు ఈ సినిమాకోసం ఎప్పటి నుంచో ఎదురుచూస్తున్నారు. చిరు, పవన్, త్రివిక్రమ్ బిజీలో ఉన్నారు కాబట్టి ఈ మూవీ కూడా పట్టాలెక్కేలా లేదు. వీటితో పాటు అబ్బాయి చరణ్ ని హీరోగా పెట్టి ఓ చిత్రాన్ని నిర్మించాలని పవన్ అనుకున్నారు. అది కూడా ఆగిపోయినట్లు తెలుస్తోంది.
Also, do SUBSCRIBE to our YouTube channel to get latest Tollywood updates.
