నాగచైతన్య – సాయిపల్లవి – శేఖర్ కమ్ముల అభిమానులు, సగటు ప్రేమకథల ప్రేక్షకులు ఎప్పటి నుండో వెయిట్ చేస్తున్న సినిమా ‘లవ్ స్టోరీ’. అన్నీ అనుకున్నట్లు జరిగితే ఈ సినిమా ఈపాటికి మనం చూసేసి, ఆ తర్వాత ఓటీటీలో రిపీట్లు వేసుకునేవాళ్లం. అయితే కరోనా స్టోరీ నేపథ్యంలో ఈ లవ్ స్టోరీ విడుదల ఆగిపోయింది. మొన్నామధ్య సెప్టెంబరు 10 అంటూ ఓ డేట్ చెప్పారు. ఆ తర్వాత అది కూడా కాదని తేలిపోయింది. తాజాగా మరో డేట్ ప్రకటించారు.
వినాయకచవితి సందర్భంగా చిత్రబృందం ఇటీవల ఓ పోస్టర్ విడుదల చేసింది. దాంతోపాటు సినిమాను ఈ నెల 24న విడుదల చేస్తామని ప్రకటించింది. అనుకోని కారణాల వల్ల సినిమా విడుదల వాయిదా వేశామని, 24న వస్తామని ప్రకటించింది చిత్రబృందం. తొలుత ఈ సినిమాను వచ్చే నెల మొదటి వారంలో విడుదల చేస్తారని వార్తలొచ్చాయి. అయితే ఇప్పుడు నెల మారలేదు, కేవలం తేదీ మారింది. ‘లవ్స్టోరీ’ వాయిదాకు కారణాలు చూస్తే… కరోనా పరిస్థితులు ఒకటి కాగా, ఆంధ్రప్రదేశ్లో సినిమా థియేటర్లు, టికెట్ల వ్యవహారం మరో కారణం.
సింగిల్ స్క్రీన్ థియేటర్ల విషయంలో ఏపీ ప్రభుత్వం తీసుకుంటున్ననిర్ణయాల వల్ల సినిమాలు ఆడించలేని పరిస్థితి నెలకొంది. ఈ కారణం చెప్పే… తొలిసారి సినిమా ఆపారు. ఇప్పుడు 24కి అయినా ఆ సమస్యలు తీరుతాయేమో చూడాలి.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
