Mittapalli Surender: లవ్ స్టోరీ మూవీలో ఊహించని ట్విస్ట్ ఇదే?

September 15, 2021 / 04:47 PM ISTByFilmy Focus

Join Us

Mittapalli Surender: లవ్ స్టోరీ మూవీలో ఊహించని ట్విస్ట్ ఇదే?

శేఖర్ కమ్ముల డైరెక్షన్ లో తెరకెక్కిన లవ్ స్టోరీ మూవీ మరో తొమ్మిది రోజుల్లో రిలీజ్ కానుంది. లవ్ స్టోరీ రిలీజయ్యే సమయానికి సీటీమార్ సినిమా కలెక్షన్లు డ్రాప్ అయ్యే అవకాశం ఉందని తెలుస్తోంది. లవ్ స్టోరీ ట్రైలర్ ప్రేక్షకులను ఆకట్టుకోగా యువత ఈ సినిమా కోసం ఆసక్తిగా ఎదురుచూస్తున్నారు. ఈ సినిమాలోని సారంగదరియా పాటతో పాటు ఈ చిత్రం చూసి పాట కూడా హిట్టైన సంగతి తెలిసిందే. ఈ చిత్రం చూసి పాట రచయిత అయిన మిట్టపల్లి సురేందర్ తాజాగా ఒక ఇంటర్వ్యూలో మాట్లాడుతూ ఆసక్తికర విషయాలను వెల్లడించారు.

లవ్ స్టోరీ మూవీలో హీరోహీరోయిన్ల ప్రేమను పెద్దలు ఒప్పుకోరని ఆ సమయంలో పెద్దవాళ్లు హీరో ఆర్థికంగా ఉన్నతస్థితికి చేరుకుంటే మాత్రమే హీరోయిన్ ను ఇచ్చి పెళ్లి చేస్తామని చెబుతారని ప్రేమను గెలిపించుకోవాలనే లక్ష్యంతో హీరో విదేశాలకు వెళ్లే సందర్భంలో ఈ చిత్రం చూసి పాట వస్తుందని పాట రచయిత చెప్పుకొచ్చారు. మిట్టపల్లి సురేందర్ లవ్ స్టోరీ మూవీలోని ఆసక్తికరమైన ట్విస్ట్ ను చెప్పకనే చెప్పేశారు. ట్రైలర్ లో శేఖర్ కమ్ముల దాచేసిన విషయం రచయిత ద్వారా వెలుగులోకి వచ్చింది.

శేఖర్ కమ్ముల లవ్ స్టోరీ రొటీన్ కథే అయినా కథనంతో మ్యాజిక్ చేస్తాడని ఫ్యాన్స్ భావిస్తున్నారు. భారీ బడ్జెట్ తో తెరకెక్కిన ఈ సినిమా ఏ స్థాయిలో కలెక్షన్లను సాధిస్తుందో తెలియాల్సి ఉంది. ఈ సినిమా 50 కోట్ల షేర్ కలెక్షన్లు సాధిస్తుందని ఫ్యాన్స్ భావిస్తున్నారు.