లవ్ టుడే సినిమాతో తెలుగు, తమిళ భాషల్లో ఓవర్ నైట్ లో ఇవాన పాపులర్ అయ్యారు. కొన్ని సీన్లలో ఈ నటి ఇచ్చిన ఎక్స్ ప్రెషన్లు అదుర్స్ అనేలా ఉన్నాయి. చెప్పు బుజ్జి కన్నా అంటూ ముద్దు ముద్దు మాటలతో డైలాగ్స్ చెబుతూ ఆకట్టుకున్న ఇవానకు ప్రస్తుతం తెలుగులో, ఇతర భాషల్లో వరుస ఆఫర్లు వస్తున్నాయి. అయితే కథ నచ్చితే మాత్రమే ఇవాన కొత్త సినిమాలకు గ్రీన్ సిగ్నల్ ఇస్తున్నారు.
తాజాగా ఈ బ్యూటీ ఒక సందర్భంలో మాట్లాడుతూ తనకు ఎదురైన అవమానాల గురించి, తాను కోల్పోయిన మూవీ ఆఫర్ల గురించి చెప్పుకొచ్చారు. లవ్ టుడే సినిమా కేవలం 5 కోట్ల రూపాయల బడ్జెట్ తో తెరకెక్కి ఫుల్ రన్ లో 60 కోట్ల రూపాయల కలెక్షన్లను సొంతం చేసుకుంది. ఎల్ జీ ఎం సినిమాలో ఇవాన నటించగా ఈ సినిమా బాక్సాఫీస్ వద్ద ఆశించిన ఫలితాన్ని సొంతం చేసుకోలేదనే సంగతి తెలిసిందే.
ధోని నిర్మించిన ఈ సినిమా ఆయన అభిమానులకు సైతం భారీ షాకిచ్చింది. తాను తక్కువ ఎత్తు ఉండటం వల్ల మూవీ ఆఫర్లను కోల్పోవడంతో పాటు అవమానాలను ఎదుర్కొన్నానని ఇవాన తెలిపారు. ఆ అవమానాల వల్ల బాధ కలిగిందని నా శారీరక రూపం గురించి ఎందుకు మాట్లాడతారని అనిపించిందని ఆమె చెప్పుకొచ్చారు. కన్నడలో ఒక స్టార్ హీరోకు జోడీగా ఛాన్స్ వచ్చి పూజా కార్యక్రమం జరిగిన తర్వాత హైట్ వల్ల ఛాన్స్ పోయిందని ఇవాన పేర్కొన్నారు.
లవ్ టుడే మూవీ టైమ్ లో కూడా నాకు బాడీ షేమింగ్ ఎదురైందని ఆమె కామెంట్లు చేశారు. నేను పొట్టిగా ఉన్నానని అందరూ అనేవారని ఇవాన పేర్కొన్నారు. హైట్ తక్కువని స్కూల్ అసెంబ్లీలో నన్ను ముందువరసలో కూర్చోబెట్టేవారని ఆమె అభిప్రాయం వ్యక్తం చేశారు. స్నేహితులు ఎగతాళి చేస్తే ఆ ప్రభావం నాపై రోజంతా ఉండేదని ఇవాన పేర్కొన్నారు. ఇవాన వెల్లడించిన విషయాలు సోషల్ మీడియాలో వైరల్ అవుతున్నాయి.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
