నడిగర్ సంఘానికి ‘లైకా’ ఛైర్మెన్ రూ. కోటి విరాళం..!

లైకా గ్రూప్స్ వ్యవస్థాపకుడు, ఛైర్మెన్ అల్లిరాజా సుబస్కరన్ నడిగర్ సంఘానికి రూ.కోటిలను విరాళంగా ఇచ్చాడు. శుక్రవారం కమల్ హాసన్ నటించనున్న ‘శభాస్ నాయుడు’ చిత్ర ప్రారంభోత్సవ కార్యక్రమానికి హాజరైన ఆయన.. ఈ మొత్తాన్ని నడిగర్ సంఘ జనరల్ సెక్రటరీ విశాల్ కు అందజేశాడు.

మరోవైపు నడిగర్ సంఘ ఆధీనం లో ఉన్న బాల మందిర్ లో ఈ కార్యక్రమాన్ని నిర్వహించినందుకు గాను.. కమల్ హాసన్ రూ. 2.5 లక్షలను చెల్లించాడు. ఈ సందర్భంగా నడిగర్ సంఘ అధ్యక్షుడు నాజర్ మాట్లాడుతూ వీలైనన్ని చిత్ర సంబంధ కార్యక్రమాలు ఇక్కడ జరుపుకోవాలని ఆయన కోరారు. కాగా త్రిభాష చిత్రంగా తెరకెక్కుతున్న ‘శభాష్ నాయుడు’.. చిత్రాన్ని రాజ్ కమల్ ఫిల్మ్, లైకా ప్రొడక్షన్ సంస్థలు సంయుక్తంగా నిర్మిస్తున్నాయి.