వేలల్లో సభ్యులున్నా, తిప్పికొడితే 500 మంది ఓటర్లు లేని అసోసియేషన్. రెండేళ్ళకోసారి జరిగే ఎలక్షన్స్, ఇప్పటివరకూ పదిమంది ప్రెసిడెంట్లు మారినా కనీసం అసోసియేషన్ కి ఒక సొంత బిల్డింగ్ కట్టుకోలేకపోయారు. డబ్బుల కొదవ ఉంటుందా అంటే.. అదీ లేదు. ఒక్కో స్టార్ హీరో కనీసం 10 కోట్ల రూపాయల దాకా ఫండ్స్ ను డొనేట్ చేయడానికి రెడీ అని ఎప్పుడో చెప్పారు. రెండు టెర్ములు గెలిచిన శివాజీ రాజా నుంచి, గతేడాది భారీ మెజారటీతో గెలిచిన నరేష్ వరకూ.. ఏ ఒక్కరూ అసోసియేషన్ మెంబర్స్ కానీ.. సినీ కార్మికుల కష్టాలను కానీ, అవకాశాల్లేక ఇబ్బందిపడుతున్న నటీనటుల ఇబ్బందులను కానీ తీర్చలేకపోయారు.
కానీ.. ఒకరి వ్యక్తిత్వంపై ఒకరు దుమ్మెత్తిపోసుకోవడంలో, టీవీ చానల్స్ సాక్షిగా అడ్డమైన మాటలు మాట్లాడడంలో మాత్రం ఒకరిని మించి మరొకరు రెచ్చిపోతున్నారు. అసలు అసోసియేషన్ లో ఏం చేస్తుంటారు? అనే విషయంలో ఎవరికీ క్లారిటీ లేకపోయినా.. ప్యానల్స్ మాత్రం కొట్టుకుచస్తుంటాయి. ఇటీవల పలు ప్రాంతాల్లో మొదలైన బై ఎలక్షన్స్ జోరుకి ఏమాత్రం తీసిపోని విధంగా మా ఎలక్షన్స్ రచ్చ సాగుతోంది అంటే ఏమాత్రం అతిశయోక్తి లేదనే చెప్పాలి. సరిగ్గా ఎలక్షన్స్ కి వారం రోజుల ముందు బండ్ల గణేష్, సీ.ఎల్.నరసింహారావులు తమ నామినేషన్ ను విత్ డ్రా చేసుకోవడం.
ప్రకాష్ రాజ్ ప్యానల్ & మంచు విష్ణు ప్యానల్ ఒకరి మీద ఒకరు మట్టి జల్లుకుంటూ నానా హడావుడి చేయడం తప్ప అసలు తమ ప్యానల్ గెలిస్తే మా అసోసియేషన్ కి ఎలాంటి ఉపయోగం ఉంది అనే విషయాన్ని చెప్పుకోవడం అనేది మానేశారు. తాను గెలిస్తే.. మా అసోసియేషన్ కు సొంత డబ్బులతో బిల్డింగ్ కట్టిస్తానని మంచు విష్ణు చెప్పినా.. ఆర్టిస్టులకు ఎలాంటి కష్టం రాకుండా ఫింఛన్లు ఇస్తామని ప్రకాష్ రాజ్ చెప్పినా.. నమ్మేందుకు ఎవరూ సంసిద్ధంగా లేరు. అందుకు కారణం రెండు ప్యానల్స్ ప్రవర్తిస్తున్న తీరు. మరి ఈ ఎలక్షన్స్ లో ఎవరు గెలుస్తారో తెలియదు కానీ.. మా అసోసియేషన్ పరువు మాత్రం మంటగలుపుతున్నారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home