మహేష్ కి ఎన్టీఆర్ పై ఉన్న అభిప్రాయం తెలిసిపోయింది

ఈ ఏడాది ఇద్దరు బడా హీరోలు సంక్రాంతి బరిలో దిగారు. మహేష్ సరిలేరు నీకెవ్వరు మూవీ విడుదల చేయగా, బన్నీ అల వైకుంఠపురంలో చిత్రంతో ఒక రోజు వ్యవధిలో దిగారు. గతానికి భిన్నంగా విడుదలైన రెండు చిత్రాలు హిట్ టాక్ తెచ్చుకున్నాయి. బాక్సాఫీస్ వద్ద రెండు సినిమాలు వసూళ్ల ప్రభంజనం మోగించడంతో పాటు, ఇద్దరు హీరోలు కెరీర్ బెస్ట్ రికార్డ్స్ అందుకున్నారు. కాగా ఎన్టీఆర్ మాత్రం కేవలం బన్నీ-త్రివిక్రమ్ కాంబినేషన్ లో వచ్చిన అల వైకుంఠపురంలో చిత్రం గురించి మాత్రమే స్పందించారు. అల వైకుంఠపురంలో అద్భుతం అంటూ ట్వీట్ చేశారు. మరో ప్రక్క సరిలేరు నీకెవ్వరు కూడా హిట్ టాక్ తెచ్చుకున్న నేపథ్యంలో ఎన్టీఆర్ బన్నీ చిత్రాన్ని మాత్రమే పొగుడుతూ ట్వీట్ చేయడం మహేష్ ఫ్యాన్స్ కోపానికి కారణమైంది.

ఐతే లేటెస్ట్ ఇంటర్వ్యూలో మహేష్ స్పందించిన తీరు చూస్తే మహేష్ అసలు ఆ విషయాన్ని మనసులోనే పెట్టుకోలేదని అర్థం అయ్యింది. ఓ లాంగ్ ట్రిప్ కి వెళ్లాలంటే మీరు పరిశ్రమలో ఎవరిని తోడుగా తీసుకెళ్తారు అని అడుగగా, ఆయన ఎన్టీఆర్, చరణ్ పేర్లను చెప్పారు. ఇక ట్రిప్ లో మా ముగ్గురిని గైడ్ చేయడానికి, కంట్రోల్ చేయడానికి చిరంజీవి లాంటి పెద్ద తలకాయ్ ఉంటే చాలా బెటర్ గా ఉంటుంది అని మహేష్ చెప్పుకొచ్చారు. ఇండస్ట్రీ లో మహేష్ బెస్ట్ ఫ్రెండ్స్ లో ఎన్టీఆర్ ఒకరని ఈ ఒక్క సమాధానం రుజువు చేసింది. గతంలో మహేష్, ఎన్టీఆర్ మరియు చరణ్ లు తమ కుటుంబాలతో ప్రత్యేక విందులలో పాల్గొనడం జరిగింది.

Most Recommended Video

వరల్డ్ ఫేమస్ లవర్ సినిమా రివ్యూ & రేటింగ్!
పవన్ కళ్యాణ్ రీమేక్ చేసిన 11 సినిమాల
ఒక చిన్న విరామం సినిమా రివ్యూ & రేటింగ్!