వాకర్ సాయంతో నడుస్తున్న మహేష్ బాబు!

సూపర్ స్టార్ మహేష్ బాబు వాకర్ సాయంతో ఆస్పత్రిలో నడుస్తున్న ఫోటోలు ప్రస్తుతం నెట్లో హల్ చల్ చేస్తున్నాయి. ప్రిన్స్ కి ఏమైంది? అని చాలామంది అభిమానులు కంగారు పడుతున్నారు. ఏంటి మీరు కూడా ఆందోళన పడుతున్నారా? ఆగండి. ఆగండి.. ఇది రియల్ లైఫ్ ఫోటో కాదు. రీల్ లైఫ్ కి సంబంధించింది. కమర్షియల్ డైరక్టర్ ఏ.ఆర్ మురుగదాస్ దర్శకత్వంలో మహేష్ ద్విభాషా చిత్రంలో నటిస్తున్నారు. మొన్ననే గుజరాత్ లో భారీ షెడ్యూల్ పూర్తి చేసుకుకొని చిత్ర బృందం నగరానికి తిరిగి వచ్చింది. వారం రోజులు షూటింగ్ కి బ్రేక్ ఇవ్వడంతో సూపర్ స్టార్ తన ఫ్యామిలీతో న్యూయార్క్ టూర్ వెళ్లారు.

అయితే ఫోటో విషయానికి వస్తే మహేష్  ఆస్పత్రిలో రోగిగా ఉన్న స్టిల్ అహ్మదాబాద్ లోని జైడస్ హాస్పిటల్ లో రీసెంట్ చిత్రీకరించిన సీన్ లోనిది. ప్రభుత్వానికి టోకరా పెట్టి, న్యాయ వ్యవస్థలోని లొసుగుల్ని అడ్డుపెట్టుకొని తప్పించుకు తిరుగుతున్న దుర్మార్గున్ని పట్టుకునేందుకు మహేష్ ఇలా కాలువిరిగినవాడిలా ఆస్పత్రిలో చేరారు. ముల్లుని ముల్లుతోనే తీయాలని, నాటకమాడి విలన్ ని పట్టుకుంటారు. ఈ సీన్ ని విజయవంతంగా డైరక్టర్ తెరకెక్కించారు. అప్పటి ఫోటోనే ఇప్పుడు అభిమానులు నెట్ లో పోస్ట్ చేశారు.  ఒక్క విషయం కూడా లీక్ కాకుండా ఎంతో జాగ్రత్తగా చిత్రాన్ని రూపొందిస్తున్న చిత్ర యూనిట్ కి ఈ ఫోటో బయటికి రావడం తలనొప్పిగా మారింది.

Also, do SUBSCRIBE to our YouTube channel to get latest Tollywood updates.