మరొక రెండు రోజులలో కొత్త సంవత్సరం రాబోతున్నటువంటి తరుణంలో చాలామంది సెలబ్రిటీలు అలాగే ఇతరలు కూడా కొత్త సంవత్సరానికి చాలా గ్రాండ్ గా వెల్కమ్ చెప్పాలని నిర్ణయం తీసుకున్నారు. ఈ ఏడాదికి గుడ్ బై చెబుతూ కొత్త ఏడాదికి స్వాగతం పలకడం కోసం ఇప్పటికే ఎంతోమంది సెలబ్రిటీలు తమ ఫ్యామిలీతో కలిసి వెకేషన్ కి వెళ్ళిన సంగతి మనకు తెలిసిందే. ఇప్పటికే ఐకాన్ స్టార్ అల్లు అర్జున్ యంగ్ టైగర్ ఎన్టీఆర్ దంపతులు వారి పిల్లలతో కలిసి న్యూ ఇయర్ సెలబ్రేషన్స్ కోసం ఫారిన్ వెళ్ళిన సంగతి తెలిసిందే.
ఈ క్రమంలోనే మహేష్ బాబు సైతం తన భార్య పిల్లలతో కలిసి న్యూ ఇయర్ సెలబ్రేషన్స్ లో భాగంగా దుబాయ్ వెళ్లారు. ప్రస్తుతం ఇందుకు సంబంధించినటువంటి ఫోటోలు వీడియోలు సోషల్ మీడియాలో వైరల్ అవుతున్నాయి. నేడు ఉదయం హైదరాబాద్ ఎయిర్ పోర్ట్ లో మహేష్ బాబు ఫ్యామిలీ సందడి చేశారు. సితార తన తండ్రి మహేష్ బాబు చేతిని పట్టుకొని నడుస్తూ వెళ్ళుగా పక్కనే నమ్రత గౌతమ్ కూడా ఉన్నారు.
మామూలుగానే మహేష్ బాబు (Mahesh Babu) తరచూ తన ఫ్యామిలీతో కలిసి వెకేషన్ కి వెళ్తూ ఉంటారనే సంగతి మనకు తెలిసిందే. ఈ క్రమంలోనే ఈయన న్యూ ఇయర్ సెలబ్రేషన్స్ కోసం దుబాయ్ వెళ్లారని తెలుస్తుంది. అయితే కేవలం న్యూ ఇయర్ సెలబ్రేషన్స్ కోసం మాత్రమే కాకుండా షూటింగ్ పనుల నిమిత్తం కూడా ఈయన దుబాయ్ వెళ్లారని తెలుస్తోంది. ఇక షూటింగ్ అంటే ఈయన నటిస్తున్న గుంటూరు కారం సినిమా షూటింగ్ అనుకుంటే పొరపాటు పడినట్లే మహేష్ బాబు తాజాగా మరొక కొత్త యాడ్ కి కమిట్ అయ్యారట.
ఈ యాడ్ షూటింగ్ దుబాయిలో జరగబోతున్నటువంటి నేపథ్యంలో పనిలో పనిగా ఈయన తన ఫ్యామిలీని కూడా వెంట తీసుకెళ్లి అక్కడే వీరంతా న్యూ ఇయర్ సెలబ్రేషన్స్ జరుపుకోవడానికి కూడా సిద్ధమయ్యారని తెలుస్తోంది. ఇక మహేష్ ఈ సంక్రాంతికి గుంటూరు కారం సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
